കൊലപാതകം അടക്കം നിരവധി കേസുകളില്‍ പ്രതിയായ ചങ്ങരംകുളം സ്വദേശിയെ കാപ്പ ചുമത്തി അറസ്റ്റ് ചെയ്തു

ചങ്ങരംകുളം:കൊലപാതകം അടക്കം നിരവധി കേസുകളില്‍ പ്രതിയായ ചങ്ങരംകുളം സ്വദേശിയെ കാപ്പ ചുമത്തി അറസ്റ്റ് ചെയ്തു.ചങ്ങരംകുളം ഉദിനുപറമ്പ് താമസിച്ചിരുന്ന മോനായി എന്ന് വിളിക്കുന്ന കറുപ്പംവീട്ടില്‍ ബാദുഷ (28)ആണ് അറസ്റ്റിലായത്.കൊച്ചിയില്‍ നിന്നാണ് ചങ്ങരംകുളം എസ്ഐ ശ്രീലേഷ്,സിപിഒ മാരായ റിനേഷ്,ശ്രീഷ്,അജിത് ലാല്‍ എന്നിവര്‍ ചേര്‍ന്ന് ബാദുഷയെ പിടികൂടിയത്.കൊലപാതകം,കൊലപാതകശ്രമം,അടക്കം മലപ്പുറം തൃശ്ശൂര്‍ ജില്ലകളിലായി നിരവധി കേസുകളില്‍ പ്രതിയാണ് ഇയാളെന്ന് അന്വേഷണ ഉദ്ധ്യോഗസ്ഥര്‍ പറഞ്ഞു.ജാമ്യത്തില്‍ ഇറങ്ങിയ പ്രതി ഒളിവില്‍ കഴിയുന്നതിനിടെയാണ് ചങ്ങരംകുളം പോലീസ് ഇയാളെ സാഹസികമായി പിടികൂടിയത്.പിടിയിലായ പ്രതിയെ കോടതിയില്‍ ഹാജറാക്കി ജയിലിലടച്ചു