ചങ്ങരംകുളത്ത് മാധ്യമപ്രവർത്തകർക്ക് പ്രിവിലേജ് കാർഡ് വിതരണം

ചങ്ങരംകുളം: ചങ്ങരംകുളത്തെ മാധ്യമപ്രവർത്തകർക്ക് വേണ്ടി സൺറൈസ് ഹോസ്പിറ്റൽ ഏർപ്പെടുത്തിയ പ്രിവിലേജ് കാർഡുകളുടെ വിതരണം ആശുപത്രി അങ്കണത്തിൽ നടന്നു. ആശുപത്രിയുടെ വിവിധ സേവനങ്ങളിൽ പ്രത്യേക ആനുകൂല്യങ്ങൾ ലഭ്യമാക്കുന്നതിനായാണ് ഈ പദ്ധതി ആരംഭിച്ചിരിക്കുന്നത്.ഹോസ്പിറ്റൽ സി.ഒ.ഒ. സുമേഷ് ടി. നായർ പ്രസ്സ് ക്ലബ് പ്രസിഡന്റ് റാഷിദ് നെച്ചിക്കലിന് കാർഡ് നൽകി ഉദ്ഘാടനം നിർവഹിച്ചു. ചടങ്ങിൽ ആശുപത്രി അധികൃതരും മാധ്യമപ്രവർത്തകരും പങ്കെടുത്തു.ഓപ്പറേഷൻ മേധാവി വിനോദ് കെ. പിള്ള, പി.ആർ.ഒ സനോജ്, ബാജിത്, സിറാജ്, പ്രസൂൺ എന്നിവർ ചടങ്ങിൽ സന്നിഹിതരായിരുന്നു. പ്രസ്സ് ക്ലബ് കോർഡിനേറ്റർ വി.പി അബ്ദുൽ ഖാദർ, ജോയിന്റ് സെക്രട്ടറി ജീന മണികണ്ഠൻ തുടങ്ങിയവരും പങ്കെടുത്തു.മാധ്യമപ്രവർത്തകരുടെ ആരോഗ്യപരമായ ആവശ്യങ്ങൾ പരിഗണിച്ചാണ് പ്രിവിലേജ് കാർഡ് പദ്ധതി നടപ്പിലാക്കിയതെന്ന് ആശുപത്രി അധികൃതർ അറിയിച്ചു. ഈ കാർഡിലൂടെ ചികിത്സാ സേവനങ്ങളിൽ പ്രത്യേക ഇളവുകളും സൗകര്യങ്ങളും ലഭ്യമാകും.