കേസന്വേഷണ മികവിന് ആലംകോട് സ്വദേശിക്ക് സംസ്ഥാന ഡിജിപിയുടെ ബാഡ്ജ് ഓഫ് ഹോണർ പുരസ്കാരം

പൊന്നാനിയിൽ ബിയ്യത്ത് പ്രവാസിയുടെ അടച്ചിട്ട വീട്ടിൽ നിന്നും 500 പവൻ സ്വർണം മോഷണം പോയ കേസിൽ പ്രതികളെ കണ്ടെത്തി നഷ്ടപ്പെട്ട സ്വർണം വീണ്ടെടുത്ത അന്വേഷണ സംഘത്തിലെ ആലംകോട് സ്വദേശിയായ പോലീസ് ഉദ്യോഗസ്ഥന് കുറ്റാന്വേഷണ മികവിന് സംസ്ഥാന ഡിജിപിയുടെ ബാഡ്ജ് ഓഫ് ഹോണർ പുരസ്കാരം ലഭിച്ചു.ആലംകോട് അട്ടെക്കുന്ന് സ്വദേശി കെ വി നാസറിനാണ് പുരസ്കാരം ലഭിച്ചത്.നാസറിന് 2022 വർഷത്തിൽ സ്തുത്യർഹ സേവനത്തിന് മുഖ്യമന്ത്രിയുടെ മെഡൽ ലഭിച്ചിരുന്നു.കുറ്റാന്വേഷണ മികവിന് ജില്ലാ പോലീസ് മേധാവിയുടെ 100 ലധികം ഗുഡ് സർവീസ് എൻട്രികളും പ്രശസ്തി പത്രങ്ങളും നേടിയിട്ടുണ്ട്.ആലംകോട് കോട്ടേല വളപ്പിൽ അലി ഖദീജ ദമ്പതികളുടെ മകനാണ് പൊന്നാനിയിൽ സീനിയർ സിവിൽ പോലീസ് ഓഫീസറായി ജോലി ചെയ്തു വരുന്ന നാസർ.അന്വേഷണ സംഘത്തിൽ ഉണ്ടായിരുന്ന 12 പേർക്കാണ് അംഗീകാരം ലഭിച്ചത്.തിരൂർ ഡിവൈഎസ്പി ആയിരുന്ന ബാലകൃഷ്ണൻ,പൊന്നാനി സിഐ ആയിരുന്ന ജലീൽ കറുത്തേടത്ത്.പൊന്നാനി എസ്ഐ അനിൽകുമാർ തിരൂർ ഡിവൈഎസ്പി ഓഫീസിലെ എസ്ഐ നവീൻ സീനിയർ സിവിൽ പോലീസ് ഓഫീസർ ഹരീഷ് ,നിലമ്പൂർ എസ്ഐ അസൈനാർ തിരൂർ ഡാൻസാഫ് അംഗങ്ങളായ എസ്ഐ ജയപ്രകാശ് എഎസ്ഐ രാജേഷ്,എഎസ്ഐ ജയപ്രകാശ് ,സീനിയർ സിവിൽ പൊലീസ് ഓഫീസർ മാരായ ,ഉദയകുമാർ ഉണ്ണിക്കുട്ടൻ ,എന്നിവർക്കാണ് ജില്ലയിൽ നിന്നും കുറ്റാന്വേഷണ മികവിന് പുരസ്കാരം ലഭിച്ചത്.തിരുവനന്തപുരത്ത് വെച്ച് നടക്കുന്ന ചടങ്ങിൽ സംസ്ഥാന പോലീസ് മേധാവി മെഡൽ വിതരണം ചെയ്യും.