രക്ഷാകർതൃ സംഗമവും ഇഫ്ത്താർ വിരുന്നും സംഘടിപ്പിച്ചു

നന്നംമുക്ക് : നരണിപ്പുഴ സലഫി മസ്ജിദിനോട് അനുബന്ധിച്ചുള്ള നൂറുൽ ഇസ്ലാം മദ്രസയിൽ രക്ഷാകർതൃ സംഗമവും, ഇഫ്ത്താർ വിരുന്നും സംഘടിപ്പിച്ചു. നന്നംമുക്ക് ഗ്രാമപഞ്ചായത്ത് വൈസ് പ്രസിഡൻ്റ് മുഹമ്മദലി നരണിപ്പുഴ ഉദ്ഘാടനം ചെയ്തു. കെ.എൻ.എം യൂണിറ്റ് സെക്രട്ടറി യൂസുഫ് പള്ളിയിൽ അധ്യക്ഷത വഹിച്ചു. മുഹമ്മദ് റഈസ് പാലപ്പെട്ടി നോമ്പിൻ്റെ ചൈതന്യം എന്ന വിഷയത്തിൽ പ്രഭാഷണം നടത്തി. ഡോക്ടർ ഷഹനാസ് ഹംസ സമ്മാനദാനം നിർവ്വഹിച്ചു. എ.പി. ഹംസ, പി.വി. ഹംസ, എം. ഇ ല്ല്യാസ് എന്നിവർ ആശംസകൾ നേർന്നു. കെ.എം അബ്ദുൽ ഹക്കീം സ്വാഗതവും, പി.വി ഹംസ നന്ദിയും പറഞ്ഞു. തുടർന്ന് വിദ്യാർത്ഥികളുടെ വിവിധ പരിപാടികളുടെ അവതരണവും, ഇഫ്ത്താർ വിരുന്നും ഉണ്ടായിരുന്നു.