അറബിക് അധ്യാപക ശിൽപശാല എടപ്പാൾ ബി ആർ സി ഹാളിൽ നടന്നു

എടപ്പാൾ: ഉപജില്ല അറബിക് അധ്യാപക ശിൽപശാല എടപ്പാൾ ബി ആർ സി ഹാളിൽ എടപ്പാൾ ഉപജില്ല അറബിക് അക്കാദമിക് കോംപ്ലക്സിന്റെ ആഭിമുഖ്യത്തിൽ സംഘടിപ്പിച്ചു.മലപ്പുറം ജില്ല മുസ്ലിം വിദ്യാഭ്യാസ ഇൻസ്പെക്ടർ വി ഷൗക്കത്തലി ഉദ്ഘാടനം ചെയ്തു.ജില്ലാ മുസ്‌ലിം വനിതാ വിദ്യാഭ്യാസ ഇൻസ്പെക്ടർ കെ.ടി മിന്നത് മുഖ്യപ്രഭാഷണം നടത്തി.ട്രൈനർ സുഭാഷ് അമ്പാടി ന്യൂ ജനറേഷൻ വിദ്യാർത്ഥികളും അധ്യാപകരും എന്ന വിഷയത്തിലും ബി ആർ സി ട്രൈനർ ഷമീം മാസ്റ്റർ അറബി ഭാഷാ പഠനം ക്ലാസ് റൂമുകളിൽ എന്ന വിഷയത്തിലും ക്ലാസുകളെടുത്തു.ഉപജില്ലയിലെ എൽ പി, യു പി, എച്ച് എസ് വിഭാഗങ്ങളിൽ നിന്നായി എഴുപത്തി അഞ്ചോളം അധ്യാപകർ ശിൽപശാലയിൽ പങ്കെടുത്തു.ഉപജില്ല എ ടി സി സെക്രട്ടറി അബ്ദുൽ ജലീൽ മാസ്റ്റർ, മുഹമ്മദ് ഷരീഫ് കെ , കെ. എ അനീസ് , വി. ഉബൈദ് , പി മുഹമ്മദ് ജലീൽ, നൂർജഹാൻ പി എന്നിവർ സംസാരിച്ചു.