മൂക്കുതല ജിഎല്‍പി സ്കൂളില്‍ ശിശുദിനത്തോടനുബന്ധിച്ച് മികവുത്സവം നടത്തി

ചങ്ങരംകുളം:മൂക്കുതല ജിഎല്‍പി സ്കൂളില്‍ ശിശുദിനത്തോടനുബന്ധിച്ച് മികവുത്സവം നടത്തി.സബ്ജില്ല തലത്തിൽ വിവിധ മേളകളിൽ പങ്കെടുത്തവർക്കെല്ലാം ട്രോഫി നൽകി അനുമോദിച്ചു.പഞ്ചായത്ത് വൈസ് പ്രസിഡണ്ട് ഒ. പി പ്രവീൺ, വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ രാഗി ,പി ടി എ പ്രസിഡണ്ടും പഞ്ചായത്ത് മെമ്പറുമായ ഷൺമുഖൻ,രക്ഷിതാക്കൾ
അദ്ധ്യാപകർ എന്നിവർ കുട്ടികളെ അനുമോദിച്ചു.ജെ ആര്‍ സി ടീം പി സി എൻ ജി എച്ച് എസ് വക കുഞ്ഞുങ്ങൾക്കെല്ലാം അലങ്കാരങ്ങൾ ചേർത്ത കടലാസ് പെൻസിൽ ,റബ്ബർ കട്ടർ മുതലായവ സമ്മാനമായി നൽകി.പി സി എൻ ഹയർ സെക്കൻ്ററിയിലെ എന്‍ എസ് എസ് ടീം മുഴുവൻ പേർക്കും ഓറഞ്ച് നൽകി.കലാപരിപാടികൾ അവതരിപ്പിച്ചും ചെറുകളികൾ നടത്തിയും ശിശുദിനം അവിസ്മരണീയമാക്കി.