അംഗൻവാടി കുട്ടികളോടൊപ്പം ശിശുദിനമാഘോഷിച്ച് വിദ്യാർത്ഥികൾ

ചങ്ങരംകുളം:പാവിട്ടപ്പുറം അസ്സബാഹ് ഹയർ സെക്കൻഡറി സ്കൂളിലെ നാഷണൽ സർവ്വീസ് സ്കീം യൂണിറ്റിലെ വിദ്യാർത്ഥികൾ ആലംകോട് പഞ്ചായത്ത് വാർഡ് പന്ത്രണ്ടിലെപാവിട്ടപ്പുറം അംഗൻവാടിയിലെ കുട്ടികളോടൊപ്പം ശിശുദിനം ആഘോഷിച്ചു. സ്കൂൾ എൻഎസ്എസ് യൂണിറ്റിന്റെ – തെളിമ പദ്ധതിയുടെ ഭാഗമായി മുഴുവൻ കുട്ടികൾക്കും ആവശ്യമായ കളിപ്പാട്ടങ്ങളും കസേരകളും പഠനസാമഗ്രികളും മധുരവും അംഗൻവാടിയിലെഉഷ ടീച്ചർക്ക് കൈമാറി .വാർഡ് മെമ്പർ ഷഹനാ നാസർ പരിപാടി ഉദ്ഘാടനം ചെയ്തു .പ്രിൻസിപ്പൽ പിവി വെല്ലിങ്ടൺ അധ്യക്ഷത വഹിച്ചു.എൻഎസ്എസ് പ്രോഗ്രാം ഓഫീസർ ബിപി ജംഷിയ സ്വാഗതവും ഉഷ ടീച്ചർ നന്ദിയും പറഞ്ഞു. ഗൈഡ്സ് ക്യാപ്റ്റൻ സുമിത ടി എസ് , അധ്യാപകരായ സുരേഷ് ബാബു കെ എം , സുവിത കെ , സജ്ന എസ്, സജ്ന കെ, ഹൈറുന്നീസ, അഹമ്മദ്പറയങ്ങാട്ടിൽ, അലി പി.ബി ,ബഷീർ ടി.എം എന്നിവർ സംസാരിച്ചു.തുടർന്ന് എൻ എസ് എസ് യൂണിറ്റ് വിദ്യാർത്ഥികളുടെ നേതൃത്വത്തിൽ പാവിട്ടപ്പുറത്ത് ശിശുദിനാഘോഷ റാലിയും നടന്നു.