പ്രവാചക സ്നേഹം വിളിച്ചോതി നാടെങ്ങും വിപുലമായ നബിദിനാഘോഷം

ചങ്ങരംകുളം:പ്രവാചക സ്നേഹം വിളിച്ചോതി നാടെങ്ങും വിപുലമായ നബിദിനാഘോഷം.വെള്ളിയാഴ്ച കാലത്ത് മസ്ജിദുകളും മദ്രസകളും കേന്ദ്രീകരിച്ച് പ്രത്യേക പ്രാര്‍ത്ഥനകളും മൗലൂദ് പാരായണങ്ങളും നടന്നു.തിരുവോണവും വെള്ളിയാഴ്ചയും ഒരുമിച്ച് വന്നതോടെ പലയിടത്തും ശനിയാഴ്ചയാണ് നബിദിനഘോഷയാത്രകള്‍ നടന്നത്.ഘോഷയാത്രക്ക് മഹല്ല് ഭാരവാഹികളും ഖത്തീബ്മാരും നേതൃത്വം നല്‍കി.ദഫ്മുട്ട്,അറബനമുട്ട്,സ്കൗട്ട് പരേഡ് തുടങ്ങിയ വിവിധ പരിപാടികളോടെ നടന്ന ഘോഷയാത്രക്ക് വിവിധ കൂട്ടായ്മകള്‍ സ്വീകരണം നല്‍കി.ഘോഷയാത്രയില്‍ പങ്കെടുത്തവര്‍ക്ക് ശീതളപാനീയങ്ങളും മിഠായികളും പലഹാരങ്ങളും വിതരണം ചെയ്തു.മഹല്ലുകള്‍ കേന്ദ്രീകരിച്ച് ഭക്ഷണവിതരണവും തുടര്‍ന്ന് വൈകിയിട്ട് കുട്ടികളുടെ വിവിധ കലാപരിപാടികളും നടക്കും.