പട്ടാമ്പി ഭാരതപ്പുഴയിൽ കണ്ടെത്തിയ മൃതദേഹം കാവശ്ശേരി കഴനി എരകുളം സ്വദേശി പ്രണവിന്റേതാണെന്ന് തിരിച്ചറിഞ്ഞു

തരൂർ:തരൂർ കരിങ്കുളങ്ങരയിലെ ഗായത്രിപുഴയിൽ കാണാതായ വിദ്യാർത്ഥിയുടെ മൃതദേഹം ഇന്ന് പട്ടാമ്പിയിൽ നിന്നും കണ്ടെത്തി. കാവശ്ശേരി കഴനി എരകുളം കുന്നും പുറം സ്വദേശിയായ ശിവരാമൻ്റെ മകൻ പ്രണവ് (21) ആണ് മരിച്ചത്. ബുധനഴ്ച്ച വൈകിട്ട് നാലുമണിയോടെയായിരുന്നു സംഭവം. തരൂർ തോണിപ്പാടം സമീപത്തെ ഗായത്രിപുഴ വാവുളള്യാപുരം ചെക്ക് ഡാമിൽ കൂട്ടുകാരുമൊത്ത് കുളിക്കാനിറങ്ങിയതായിരുന്നു പ്രണവ്. ഈ സമയത്താണ് കാൽ വഴുതി ഒഴുക്കിൽപ്പെടുകയും കാണാതാകുകയും ചെയ്തത്.ആലത്തൂർ പൊലീസ്, ഫയർഫോഴ്‌സ് എന്നിവരുടെ നേതൃത്വത്തിൽ തിരച്ചിൽ തുടർന്നെങ്കിലും വൈകാതെ കണ്ടെത്താനായില്ല. ഇന്ന് രാവിലെയാണ് പട്ടാമ്പിയിൽ നിന്ന് കരക്കടിഞ്ഞ നിലയിൽ മൃതദേഹം കണ്ടെത്തിയത്. ബന്ധുക്കളും സുഹൃത്തുക്കളും മൃതദേഹം തിരിച്ചറിഞ്ഞിട്ടുണ്ട്.