ഡോക്ടര്‍ വി മോഹനകൃഷ്ണന് കാണി ഫിലിം സൊസൈറ്റി നല്‍കുന്ന ആദരവ് ഏപ്രില്‍ 20ന് കാണിയില്‍ നടക്കും

ചങ്ങരംകുളം:2023 ലെ മികച്ച ടെലിവിഷൻ ലേഖനത്തിനുള്ള സംസ്ഥാന അവാർഡ്,കേരളത്തിലെ മികച്ച ഫിലിം സൊസൈറ്റി പ്രവർത്തകനുള്ള അവാർഡ് എന്നിവ കരസ്ഥമാക്കിയ കാണി ഫിലിം സൊസൈറ്റി സെക്രട്ടറി ഡോ. വി.മോഹനകൃഷ്ണനനെ കാണി ഫിലിം സൊസൈറ്റി പ്രവർത്തകരും കുടുംബാംഗങ്ങളും സുഹൃത്തുക്കളുംചേർന്ന് ആദരിക്കുമെന്ന് ഭാരവാഹികൾ വാർത്താ സമ്മേളനത്തിൽ അറിയിച്ചു. ഏപ്രിൽ 20 ന് ഞായറാഴ്ച വൈകുന്നേരം 4 മണിക്ക് കാണിയിൽ വെച്ച് നടക്കുന്ന പരിപാടി പൊന്നാനി എം.എൽ.എ .പി. നന്ദകുമാർ ഉദ്ഘാടനം ചെയ്യും.സാഹിത്യകാരൻ ആലങ്കോട് ലീലാകൃഷ്ണൻ,തൃശ്ശൂർ ചലച്ചിത്ര കേന്ദ്രം,ഐ എഫ് എഫ് ടി തുടങ്ങിയവയുടെ ഡയറക്ടർ ചെറിയാൻ ജോസഫ്,ആലങ്കോട് പഞ്ചായത്ത്‌ പ്രസിഡന്റ്‌ കെ വി ഷഹീർ, നന്നംമുക്ക് പഞ്ചായത്ത്‌ പ്രസിഡന്റ്‌ മിസ്‌രിയ സൈഫുദ്ധീൻ, ജില്ലാ പഞ്ചായത്ത്‌ മെമ്പർ ആരിഫ നാസർ തുടങ്ങി പ്രമുഖര്‍ വിശ്ഷ്ടാതിഥികളായിപങ്കെടുക്കും. തുടർന്ന് പ്രസാദ് പൊന്നാനി അവതരിപ്പിക്കുന്ന ഗസൽ സന്ധ്യയും,അനുശ്രീ നാരായണനും ഉമാശങ്കറും അവതരിപ്പിക്കുന്ന സോപാന സംഗീതവും അരങ്ങേറുമെന്ന് പ്രോഗ്രാം കമ്മിറ്റി ചെയർമാൻ പി മുഹമ്മദ്‌ കുട്ടി, കൺവീനർ സോമൻ ചേമ്പ്രെത്ത് , കാണി പ്രസിഡന്റ്‌ ജബ്ബാർ ആലങ്കോട്, തുളസി കെ പി,ഷീല പി ബി തുടങ്ങിയവർ വാര്‍ത്താസമ്മേളനത്തില്‍ പറഞ്ഞു