കുടുംബസംഗമവും അനുമോദനവും സംഘടിപ്പിച്ചു

എടപ്പാള്‍: വട്ടംകുളം ഗ്രാമപ്പഞ്ചായത്തിലെ 13-ാം വാർഡ് കോൺഗ്രസ് സമ്മേളനവും കുടുംബസംഗമവും പ്രതിഭകളെ അനുമോദിക്കലും ഗ്രാമപ്പഞ്ചായത്ത് പ്രസിഡന്റ് എം.എ. നജീബ് ഉദ്ഘാടനം ചെയ്തു.വാർഡ് പ്രസിഡന്റ് എം. സന്തോഷ്‌കുമാർ അധ്യക്ഷനായി.യൂത്ത് കോൺഗ്രസ് ജില്ലാ പ്രസിഡന്റ് ഹാരിസ് മൂതൂർ,മണ്ഡലം കോൺഗ്രസ് പ്രസിഡന്റ് എൻ.വി. അഷ്‌റഫ്,എം.ശങ്കരനാരായണൻ, വിനോദ് ശുകപുരം, ആഗ്നേയ് നന്ദൻ, എൻ. ചന്ദ്രബോസ്,ഏട്ടൻശുകപുരം, ലില്ലി ഞാണത്തിൽ എന്നിവർ പ്രസംഗിച്ചു.ജ്യോതിർഗമയ മാധ്യമപുരസ്‌കാര ജേതാവ് മാതൃഭൂമി ലേഖകൻ ഉണ്ണി ശുകപുരം,ചെണ്ടവാദ്യകലാകാൻമാരായ ദിലീപ് ശുകപുരം,രഞ്ജിത് ശുകപുരം,പൊതുപ്രവർത്തനത്തിനുള്ള സുകുമാരൻമാസ്റ്റർ പുരസ്‌കാരം നേടിയ ആത്മജൻ പള്ളിപ്പാട്, ജെ.ആർ.എഫ്.നേടിയ സ്വാതി സുബ്രഹ്മണ്യൻ, കളരി ആശാൻ പി.ബി. കൃഷ്ണദാസ്,മദ്യനിരോധന സമിതി സംസ്ഥാന വർക്കിങ് പ്രസിഡന്റ് ഏട്ടൻ ശുകപുരം എന്നിവരെ ചടങ്ങിൽ വെച്ച് ഗ്രാമപ്പഞ്ചായത്ത് പ്രസിഡന്റ് എം.എ. നജീബ് ആദരിച്ചു.തകർന്നു കിടക്കുന്ന ശുകപുരം ദക്ഷിണാമൂർത്തി ക്ഷേത്രം റോഡിന്റെ ശോചനീയാവസ്ഥക്ക് ഉടൻ പരിഹാരം കാണണമെന്നും ഫണ്ടനുവദിച്ചെന്ന് പറഞ്ഞ് എം.എൽ.എ.യും ബ്ലോക്ക് പഞ്ചായത്തധികൃതരും ജനങ്ങളെ കബളിപ്പിക്കുന്നതവസാനിപ്പിക്കണമെന്നും സമ്മേളനം അംഗീകരിച്ച പ്രമേയം ആവശ്യപ്പെട്ടു.