കൊച്ചി: 300 ഗ്രാം എംഡിഎംഎയുമായി യുവാവ് പിടിയിൽ. പോത്താനിക്കാട് ഞാറക്കാട് കണ്ണന്തറയിൽ അഭിരാജ് (29)നെയാണ് റൂറൽ ജില്ലാ ഡാൻസാഫ് ടീമും കാലടി പൊലീസും ചേർന്ന് പിടികൂടിയത്.
ബെംഗളൂരുവിൽ നിന്ന് കാറിലാണ് രാസലഹരികടത്തിയത്. പൊലീസ് കൈകാണിച്ചെങ്കിലും വാഹനം നിർത്താതെ അമിത വേഗത്തിൽ ഓടിച്ചു പോവുകയായിരന്നു. പൊലീസ് പിന്തുടർന്നതിനാൽ വാഹനം ഉപേക്ഷിച്ച് പ്രതി ഓടി രക്ഷപ്പെടാൻ ശ്രമിച്ചെങ്കിലും പൊലീസ് വളഞ്ഞ് പിടികൂടുകയായിരുന്നു
ധരിച്ചിരുന്ന ജാക്കറ്റിനുള്ളിലെ പ്രത്യേക അറയിലാണ് എംഡിഎംഎ ഒളിപ്പിച്ചിരുന്നത്. പിടികൂടിയ ലഹരിമരുന്നിന് വിപണിയില് 20 ലക്ഷത്തോളം രൂപ വിലവരുമെന്നും അറസ്റ്റിലായ അഭിരാജ് 2023-ല് പോത്താനിക്കാട് 20 കിലോ കഞ്ചാവ് പിടിച്ചകേസില് പ്രതിയാണെന്നും പോലീസ് പറഞ്ഞു.
