പൊന്നാനി സ്വദേശിയെ എടപ്പാളില്‍ ലോഡ്ജ് മുറിയില്‍ മരിച്ച നിലയില്‍ കണ്ടെത്തി

എടപ്പാള്‍:പൊന്നാനി സ്വദേശിയെ എടപ്പാളില്‍ ലോഡ്ജ് മുറിയില്‍ മരിച്ച നീലയില്‍ കണ്ടെത്തി.പൊന്നാനിയില്‍ താമസിക്കുന്ന പട്ടാമ്പി മുതുതല സ്വദേശി 45 വയസുള്ള കൊടലിൽ സൈനുൽ ആബിദിനെയാണ്
എടപ്പാളിൽ പട്ടാമ്പി റോഡിൽ ഉള്ള കെകെ ലോഡ്ജിൽ മരിച്ച നിലയില്‍ കണ്ടെത്തിയത്.ഞായറാഴ്ച രാത്രി 9 മണിയോടെയാണ് സംഭവം.ജനുവരി 25ന് ലോഡ്ജിൽ മുറിയെടുത്ത സൈനുല്‍ ആബിദ് റൂം തുറക്കാത്തതിനെ തുടർന്നു
പോലീസ് എത്തി റൂം ചവിട്ടി തുറന്നപ്പോഴാണ് ഇയാളെ മരിച്ച നിലയില്‍ കണ്ടെത്തിയത്.ജില്ലയിലെ ഉയർന്ന പോലീസ് ഉദ്യഗസ്ഥർക്കെതിരെ പീഡന പരാതി നല്‍കി ഏറെ വിവാദം ഉണ്ടാക്കിയ പൊന്നാനി സ്വദേശിയായ യുവതിയുടെ ഭർത്താവാണ് മരിച്ച സൈനുല്‍ ആബിദ് എന്നാണ് വിവരം.എടപ്പാൾ ആശുപത്രിയിലെ മോർച്ചറിയിലേക്ക് മാറ്റിയ മൃതദേഹം ഇന്ന് ചങ്ങരംകുളം പോലീസ് ഇന്‍ക്വസ്റ്റ് നടത്തും.പോസ്റ്റുമോര്‍ട്ടത്തിന് ശേഷം ബന്ധുക്കള്‍ക്ക് വിട്ട് നല്‍കും