പന്താവൂർ നളന്ദ കലാകേന്ദ്രം ആൻഡ് ഗ്രന്ഥശാല ബാലവേദി സർഗോത്സവം സംഘടിപ്പിച്ചു

ചങ്ങരംകുളം:പന്താവൂർ നളന്ദ കലാകേന്ദ്രം ആൻഡ് ഗ്രന്ഥശാലയുടെ ആഭിമുഖ്യത്തിൽ ബാലവേദി സർഗോത്സവം സംഘടിപ്പിച്ചു. യു.പി. വിഭാഗം വിദ്യാർത്ഥികൾക്കായി കാവ്യാലാപനം, ചലച്ചിത്രഗാനാലാപനം,ആസ്വാദനക്കുറിപ്പ്, ചിത്രീകരണം, കഥാരചന,കവിതാരചന, ഉപന്യാസരചന, മോണോആക്ട് തുടങ്ങിയ മത്സരങ്ങൾ നടന്നു.വായനശാല സെക്രട്ടറി കെ. പി. അനൂപ് സ്വാഗതം ആശംസിച്ചു.വായനശാല പ്രസിഡന്റ് എ. പി. ശ്രീനിവാസൻ അധ്യക്ഷത വഹിച്ചു.പൊന്നാനി താലൂക്ക് ലൈബ്രറി കൗൺസിൽ സെക്രട്ടറി പി. വി. പ്രകാശ് സർഗോത്സവം ഉദ്ഘാടനം ചെയ്തു.താലൂക്ക് ലൈബ്രറി കൗൺസിൽ അംഗം ഇ. കെ. രഘുനാഥ്, എ. വി. എം. ഉണ്ണി, പി. ജി. ബിന്ദു ടീച്ചർ,വായനശാല എക്സിക്യൂട്ടീവ് കമ്മിറ്റി അംഗങ്ങളായ വി. നന്ദകുമാർ,ദീപകുമാർ, പ്രതീഷ് കെ. എൻ., ധന്യ എം., രജിത, സുമിത എന്നിവർ ആശംസകൾ നേർന്നു. എ. കെ. സന്തോഷ് നന്ദി രേഖപ്പെടുത്തി.കുട്ടികളുടെ സർഗാത്മക കഴിവുകൾ പരിപോഷിപ്പിക്കുന്നതിനും കലാ-സാഹിത്യ അഭിരുചികൾ വളർത്തുന്നതിനും ലക്ഷ്യമിട്ടാണ് സർഗോത്സവം സംഘടിപ്പിച്ചത്.വിവിധ മത്സരങ്ങളിൽ വിദ്യാർത്ഥികൾ ആവേശപൂർവം പങ്കെടുത്തു.