ചങ്ങരംകുളം ടൗണിലെ റോഡ് പ്രവർത്തികൾ ഉടൻ പൂർത്തിയാക്കണം:എസ് ഡി പി ഐ

ചങ്ങരംകുളം:ജൽജീവൻ പദ്ധതിക്കായി ചങ്ങരംകുളം ടൗണിൽ നടന്നു കൊണ്ടിരിക്കുന്ന പ്രവർത്തികൾ ഉടൻ പൂർത്തീകരിച്ച് വ്യാപാരികളുടെയും നാട്ടുകാരുടെയും പ്രയാസം ദുരീകരിക്കണമെന്ന് എസ് ഡി പി ഐ ആലംകോട് പഞ്ചായത്ത് കമ്മിറ്റി യോഗം ആവശ്യപ്പെട്ടു.ജലസേചന പൈപ്പ് സ്ഥാപിക്കാനായി റോഡ് പൊളിച്ചതോടെ വാഹനങ്ങൾക്കും കാൽ നടയാത്രക്കാർക്കും ഏറെ ദുരിതമാണ് അനുഭവിക്കേണ്ടി വരുന്നത്.നേരത്തെ മഴ പെയ്തു ചളി നിറഞ്ഞതോടെ വ്യാപാര സ്ഥാപനങ്ങളിലേക്ക് ചെളി കയറുകയും, എന്നാൽ ഇപ്പോൾ എല്ലാ സ്ഥാപനങ്ങളിലേക്കും ശക്തമായ പൊടിശല്യവുമാണ്.വഴി യാത്രക്കാർക്കും ഏറെ പ്രയാസമായ അവസ്ഥയാണുള്ളത്.പ്രവൃത്തികൾ എത്രയും വേഗം പൂർത്തീകരിച്ച് ടാറിങ് നടത്തണമെന്നും,നേരത്തെ പ്രഖ്യാപിച്ച ടൗൺ സൗന്ദര്യവൽക്കരണം ഉടൻ പൂർത്തീകരിക്കണമെന്നും യോഗം ആവശ്യപ്പെട്ടു.പഞ്ചായത്ത് കമ്മറ്റി പ്രസിഡണ്ട് റഷീദ് പെരുമുക്ക് ആദ്ധ്യക്ഷ്യത വഹിച്ചു.സെക്രട്ടറി അഷ്‌റഫ്‌ പാവിട്ടപ്പുറം, ജാഫർ കക്കിടിപ്പുറം, കരീം ആലംകോട്,അഷ്‌റഫ്‌ ആലംകോട്, വി പി അബ്ദുൽ ഖാദർ,അലി കക്കിടിപ്പുറം എന്നിവർ സംസാരിച്ചു.