ന്റെ പൊന്നേ…സ്വര്‍ണവിലയില്‍ വന്‍ കുതിപ്പ്

സ്വർണ്ണവിലയില്‍ വന്‍ കുതിപ്പ്. റെക്കോര്‍ഡുകള്‍ വീണ്ടും ഭേദിച്ച് സ്വര്‍ണ വില ഉയരുകയാണ്. ഇന്ന് പവന് 520 രൂപ കൂടി റെക്കോര്‍ഡ് വിലയായ 58,880 എന്ന റെക്കോര്‍ഡ് വിലയിലെത്തി. ഗ്രാമിന് 65 രൂപ കൂടി. ഒരു ഗ്രാം സ്വര്‍ണത്തിന്റെ ഇന്നത്തെ വില 7360 രൂപയാണ്.ഈ മാസത്തിന്റെ തുടക്കത്തില്‍ പവന് 56,400 രൂപയായിരുന്നു വില. പത്തിന് 56,200 രൂപയായി താഴ്ന്ന് ഈ മാസത്തെ ഏറ്റവും താഴ്ന്ന നിലവാരത്തിലേക്കും എത്തിയിരുന്നു.മുമ്പ് 58,720 രൂപയായി ഉയര്‍ന്ന സ്വര്‍ണവില പിന്നീടുള്ള രണ്ട് ദിവസങ്ങളില്‍ വില കുറഞ്ഞു. എന്നാല്‍ സ്വര്‍ണത്തിന്റെ പവന്‍ വില 59000 കടന്നും മുന്നേറുമെന്ന പ്രതീക്ഷയിലാണ് കച്ചവടക്കാര്‍.