മൂക്കുതല കോളഞ്ചേരി ക്ഷേത്രത്തിൽ അമ്മമാരുടെയും കുട്ടികളുടെയും സോപാന സംഗീത അരങ്ങേറ്റം നടന്നു

ചങ്ങരംകുളത്തിനടുത്തുള്ള മൂക്കുതല കോളഞ്ചേരി ക്ഷേത്രത്തിൽ അമ്മമാരുടെയും കുട്ടികളുടെയും സോപാന സംഗീത അരങ്ങേറ്റം ഭാവപൂർണ്ണമായി അരങ്ങേറി. തനതായ സംഗീതത്തിന്റെ പാരമ്പര്യത്തെയും സോപാന ശൈലിയെയും പുനരുജ്ജീവിപ്പിക്കാൻ ശ്രമിച്ച ഈ കലാവിരുന്ന് കലാപ്രേമികളായ നാട്ടുകാരുടെ വലിയ ശ്രദ്ധനേടി.വിജയലക്ഷ്മി നാരായണൻ, ചന്ദ്രമതി ബാലൻ, സീമ പന്താവൂർ, ലീല കക്കാട്, അജിത മുല്ലപ്പള്ളി, ആര്യ
ഏർക്കര, സ്മിത രവി, ജ്യോതി പൂക്കുഴി ,ദേവിക പൂക്കുഴി , ഉമ പന്താവൂർ, അനുശ്രീ എന്നിവരുടെ അരങ്ങേറ്റമാണ് എടപ്പാൾ കണ്ടനകത്ത് പ്രവർത്തിക്കുന്ന സോപാനം സ്കൂളിന്റെ ഡയറക്ടറും ഗുരുവുമായ സന്തോഷ് ആലംകോട്, കലാമണ്ഡലം അമൃത രഘു, ജയൻ വെള്ളാല്ലൂർ എന്നിവരുടെ ശിക്ഷണത്തിൽ അരങ്ങേറിയത്. ഈ കലാപരിപാടി വളരെ ശ്രദ്ധേയമായത് ഇവരുടെ ആത്മാർഥ പരിശീലനവും കലാപ്രതിഭയും കൊണ്ടാണെന്ന് സന്തോഷ് ആലംകോട് പറഞ്ഞു.അമ്മമാരുടെയും കുട്ടികളുടെയും ഏകാഗ്രതയും സമർപ്പണവും സോപാന സംഗീതത്തിന് ഒരു പുതിയ മാനങ്ങൾ നൽകിയിരിക്കുന്നുവെന്നും സന്തോഷ് കൂട്ടി ചേര്‍ത്തു