വട്ടംകുളം കോലക്കാട്ട് അഷ്റഫിന്റെ കുടുംബത്തിന് നവോദയയുടെ സഹായധനം കൈമാറി

എടപ്പാൾ: ദമാം നവോദയ സാംസ്കാരികവേദി പ്രവർത്തകനായിരുന്ന വട്ടംകുളം കോലക്കാട്ട് പരേതനായ അഷ്റഫിന്റെ കുടുംബത്തിന് നവോദയയുടെ കുടുംബസഹായ ഫണ്ട് കൈമാറി. സി.പി.എം. എടപ്പാൾ ഏരിയ കമ്മിറ്റി അംഗം എം. മുസ്തഫയാണ് കുടുംബത്തിന് സഹായധനം കൈമാറിയത്.
ചടങ്ങിൽ സി.പി.എം. ഏരിയ കമ്മിറ്റി അംഗം അഡ്വ. എം.ബി. ഫൈസൽ, വട്ടംകുളം ലോക്കൽ സെക്രട്ടറി എം.എ. നവാബ്, എ.വി. മുഹമ്മദ്, പി. ചന്ദ്രിക, വാർഡ് അംഗം സുനിത എന്നിവർ പങ്കെടുത്തു. പ്രവാസി സംഘം ഭാരവാഹികളായ പി.കെ. രവീന്ദ്രൻ, പി.കെ. സുരേഷ് ബാബു, പി.കെ. ബിജേഷ്, നവോദയ പ്രവർത്തകരായ ടി.പി. ഭാസ്കരൻ, പി.കെ. മോഹൻദാസ്, സുരേഷ് അയിലക്കാട്, സി.വി. രവീന്ദ്രൻ, സജീർ കണ്ടനകം എന്നിവരും ചടങ്ങിൽ സംബന്ധിച്ചു.