പൊന്നാനി ഉപജില്ലാ ശാസ്ത്രോത്സവം: എം.ഇ.എസ് ഹയർ സെക്കൻഡറി സ്കൂളിന് ഹാട്രിക് തിളക്കത്തോടെ തുടർച്ചയായ അഞ്ചാം കിരീടം

​പൊന്നാനി: ഉപജില്ലാ ശാസ്ത്രോത്സവത്തിൽ ആധിപത്യം തുടർന്ന് പൊന്നാനി എം.ഇ.എസ് ഹയർ സെക്കൻഡറി സ്കൂൾ ഹയർ സെക്കൻഡറി വിഭാഗത്തിൽ ഓവറോൾ ചാമ്പ്യൻമാരായി.ശാസ്ത്രോത്സവത്തിന്റെ വിവിധ വിഭാഗങ്ങളിലായി മിന്നുന്ന പ്രകടനം കാഴ്ചവെച്ചാണ് സ്കൂൾ തുടർച്ചയായ അഞ്ചാം തവണയും ഓവറോൾ കിരീടം സ്വന്തമാക്കിയത്.മേളയിൽ സാമൂഹ്യശാസ്ത്രമേള, ഗണിതമേള, ഐ.ടി മേള എന്നിവയിൽ ഒന്നാം സ്ഥാനം കരസ്ഥമാക്കിയ എം.ഇ.എസ് സ്കൂൾ, പ്രവൃത്തിപരിചയമേളയിലും ശാസ്ത്രമേളയിലും രണ്ടാം സ്ഥാനവും നേടി മികച്ച മികവ് പുലർത്തി.വിദ്യാർത്ഥികളുടെ സർഗാത്മകതയും ശാസ്ത്രബോധവും തെളിയിക്കുന്നതായിരുന്നു ഓരോ വിഭാഗത്തിലെയും പ്രകടനങ്ങൾ അധ്യാപകരുടെ ആത്മാർത്ഥമായ മാർഗനിർദ്ദേശങ്ങളും വിദ്യാർത്ഥികളുടെ കഠിനാധ്വാനവും സ്കൂൾ മാനേജ്‌മെന്റിന്റെയും പി.ടി.എയുടെയും പിന്തുണയുമാണ് ഈ തുടർച്ചയായ വിജയത്തിന് പിന്നിലെന്ന് സ്കൂൾ അധികൃതർ വ്യക്തമാക്കി.അഞ്ചാം തവണയും ചാമ്പ്യൻമാരായ മിടുക്കരായ വിദ്യാർത്ഥികളെയും അധ്യാപകരെയും വിവിധ രാഷ്ട്രീയ, സാമൂഹിക,സാംസ്കാരിക രംഗത്തെ പ്രമുഖർ അഭിനന്ദിച്ചു.