പ്രവാസി ഏകദിന സംരംഭകത്വ ശില്പശാല ഒക്ടോബർ 28ന് നടക്കും

പെരുമ്പടപ്പ്:പ്രവാസികൾക്കും മടങ്ങിയെത്തിയ പ്രവാസികൾക്കുമായി പെരുമ്പടപ്പ് ബ്ലോക്ക് പഞ്ചായത്തും നോർക്ക ബിസിനസ്സ് ഫെസിലിറ്റേഷൻ സെന്റർ (NBFC) – നോർക്ക റൂട്ട്സും സംയുക്തമായി പ്രവാസി ഏകദിന സംരംഭകത്വ ശില്പശാല സംഘടിപ്പിക്കും.ഒക്ടോബർ 28 ബുധനാഴ്ച രാവിലെ 9:30 മുതൽ ഉച്ചയ്ക്ക് 1:30 വരെ പെരുമ്പടപ്പ് ബ്ലോക്ക് പഞ്ചായത്തിലെ ഒ.എൻ.വി. ഹാളിൽ വെച്ചാണ് ശില്പശാല നടക്കുക.വിദേശത്ത് നിന്ന് തിരിച്ചെത്തിയവർക്ക് നാട്ടിൽ സ്വന്തമായി സംരംഭങ്ങൾ തുടങ്ങുന്നതിനുള്ള മാർഗ്ഗനിർദ്ദേശങ്ങൾ, നോർക്ക വഴി ലഭിക്കുന്ന സാമ്പത്തിക സഹായങ്ങൾ,ലോൺ സൗകര്യങ്ങൾ, സർക്കാർ പദ്ധതികൾ എന്നിവയെക്കുറിച്ച് വിദഗ്ധർ ക്ലാസുകൾ നൽകും.ശില്പശാലയുടെ ഉദ്ഘാടനം പെരുമ്പടപ്പ് ബ്ലോക്ക് പഞ്ചായത്ത് പ്രസിഡന്റ് റമീന ഇസ്മായിൽ നിർവഹിക്കും.വൈസ് പ്രസിഡന്റ് സാബിറ ഷറഫുദ്ദീൻ അധ്യക്ഷത വഹിക്കും. വികസന സ്റ്റാന്റിംഗ് കമ്മിറ്റി ചെയർമാൻ ഇസ്മായിൽ ഇ.കെ. സ്വാഗതം പറയും.പ്രവാസികളും അവരുടെ കുടുംബാംഗങ്ങളും ഈ അവസരം പരമാവധി പ്രയോജനപ്പെടുത്തണമെന്ന് സംഘാടകർ അറിയിച്ചു.