പെരുമ്പടപ്പ് എ.എം.എൽ.പി സ്കൂളിന് സഹായഹസ്തവുമായി സുമനസ്സുകൾ

പെരുമ്പടപ്പ്:അയിരൂർ ബ്ലോക്ക് ഡിവിഷൻ പരിധിയിലെ പെരുമ്പടപ്പ് എ.എം.എൽ.പി സ്കൂളിന് സി.സി.ടി.വി ക്യാമറ, പാർട്ടീഷൻ ബോർഡുകൾ, ടെലിവിഷൻ എന്നിവ ലഭിച്ചു.അയിരൂർ ബ്ലോക്ക് ഡിവിഷൻ മെമ്പർ എ.കെ സുബൈറിന്റെ ക്ഷേമ പ്രവർത്തനങ്ങളുടെ ഭാഗമായി സുമനസ്സുകളുടെ സഹകരണത്തോടെയാണ് സഹായം എത്തിച്ചത്.ഉളിയത്തയിൽ കമ്മു ഹാജി കുടുംബം സ്പോൺസർ ചെയ്ത സി.സി.ടി.വി ക്യാമറയുടെയും പാർട്ടീഷൻ ബോർഡിന്റെയും സമർപ്പണം മകൻ ഉളിയത്തയിൽ ഗഫൂർ നിർവ്വഹിച്ചു.ഗ്രാമപഞ്ചായത്തംഗം ഷാജിത പരിപാടികൾക്ക് നിയന്ത്രണം വഹിച്ചു.ബ്ലോക്ക് പഞ്ചായത്ത് അംഗം എ.കെ സുബൈർ പദ്ധതികൾ വിശദീകരിച്ചു.സ്കൂളിലെ പൂർവ്വ വിദ്യാർത്ഥി ഡോ: കാവ്യാ മോഹനന് സ്റ്റാഫ് ആൻഡ് പി.ടി.എയുടെ ഉപഹാരം മാനേജ്മെന്റ് പ്രതിനിധി സൈഫുദ്ദീൻ കൈമാറി.വിദ്യാർത്ഥികൾക്ക് വേണ്ടി എരമംഗലം നാക്കോലയിലെ സെവൻസ് ക്ലബ്ബ് ടി.വി സമ്മാനിച്ചത് പരിപാടിക്ക് ഇരട്ടിമധുരമായി.പി.ടി.എ പ്രസിഡണ്ട് ഷാഫി, സംരക്ഷണ സമിതി ചെയർമാൻ മുഹമ്മദ് ഷെരീഫ്, സീനിയർ അധ്യാപിക ഷൈനി ടീച്ചർ എന്നിവർ ആശംസകൾ അർപ്പിച്ചു.പ്രധാന അധ്യാപിക ഓമന ടീച്ചർ സ്വാഗതവും നൗഷജ ടീച്ചർ നന്ദിയും പറഞ്ഞു