ചങ്ങരംകുളം :പെരുമുക്കിൽ സ്ഥാപിക്കുന്ന ചങ്ങരംകുളം 33 KV സബ്സ്റ്റേഷന് കെപി നൗഷാദ് അലി എംഎൽഎ തറക്കല്ലിട്ടു.എടപ്പാൾ, പൊന്നാനി,പുന്നയൂർക്കുളം സബ് സ്റ്റേഷനുകളിൽ നിന്നും വൈദ്യുതി വിതരണം നടത്തിപ്പോന്ന ആലംകോട്,നന്നംമുക്ക്, പെരുമ്പടപ്പ് പഞ്ചായത്തുകൾക്ക് ഇനി ആശ്വാസമാകും.വോൾട്ടേജ് ക്ഷാമവും,ലൈൻ തകരാറുകളും ഇതോടു കൂടി അവസാനിക്കും. 12 കോടി പദ്ധതി ടേൺകീ അടിസ്ഥാനത്തിലാണ് ടെൻഡർ നൽകുന്നത്. 2027 ഏപ്രിലിൽ കമ്മീഷൻ ചെയ്യുമെന്നാണ് പ്രതീക്ഷിക്കുന്നത്.
വർഷങ്ങൾ പഴക്കമുള്ള പദ്ധതി നിർദ്ദേശത്തിന് പുതിയ സർക്കാർ അധികാരമേറ്റതിനു ശേഷം ജൂലൈ 7 ന് റവന്യൂ വകുപ്പ് സ്ഥലമേറ്റെടുത്ത് നൽകിയതോടെയാണ് ജീവൻ വെച്ചത്.കെപി നൗഷാദ് അലി എംഎൽഎയുടെ ഇടപെടലിൻ്റെ ഭാഗമായി മുഖ്യമന്ത്രി താല്പര്യമെടുത്ത് പദ്ധതിയെ നൂറുദിന കർമ്മപരിപാടിയിൽ ഉൾപ്പെടുത്തി.ഇതോടെ കാര്യങ്ങൾ ദ്രുതഗതിയിലായി.
കൃത്യസമയത്തിനകം കമ്മീഷൻ ചെയ്ത് സബ് സ്റ്റേഷൻ നാടിനു സമർപ്പിക്കുമെന്ന് കെപി നൗഷാദ് അലി എംഎൽഎ വേദിയിൽ ഉറപ്പു നൽകി. ബ്ലോക്ക് പഞ്ചായത്ത് പ്രസിഡണ്ട് റമീന ഇസ്മായിൽ അധ്യക്ഷത വഹിച്ചു.പഞ്ചായത്ത് പ്രസിഡണ്ടുമാരായ ശാന്തിനി രവീന്ദ്രൻ, വൽസലകുമാർ,ആസിയ ഇബ്രാഹീം,കെഎസ്ഇബി ഡയറക്ടർ രാജൻ, പിപി യൂസഫലി, അഷർ പെരുമുക്ക്, പിടി ഖാദർ,ഷംസു കല്ലട്ടിൽ, സിദ്ദീഖ് പന്താവൂർ തുടങ്ങിയവർ പ്രസംഗിച്ചു.
