എടപ്പാൾ:സോപാനം സ്കൂൾ ഓഫ് പഞ്ചവാദ്യം, കണ്ടനകത്തിന്റെ ആഭിമുഖ്യത്തിൽ കേന്ദ്ര സാംസ്കാരിക മന്ത്രാലയത്തിന് കീഴിലെ സൗത്ത് സോൺ കൾച്ചറൽ സെന്റർ,തഞ്ചാവൂരിന്റെ സഹകരണത്തോടെ സംഘടിപ്പിക്കുന്ന കണ്ടനകം ദേശപ്പാന ഒക്ടോബർ 11 ഞായറാഴ്ച നടക്കും.പ്രസിദ്ധമായ ആലങ്കോട് പാനസംഘം അവതരിപ്പിക്കുന്ന ദേശപ്പാന രാവിലെ 7 മണി മുതൽ പിറ്റേന്ന് രാവിലെ 7 മണി വരെ 24 മണിക്കൂർ നീണ്ടുനിൽക്കും.സോപാനം സ്കൂളിന്റെ ആസ്ഥാനത്തിന് സമീപം കോട്ടയിൽ നീലകണ്ഠേശ്വര ക്ഷേത്രത്തിനടുത്തുള്ള മൈതാനത്താണ് പരിപാടി.ഇതിന്റെ മുന്നോടിയായി സോപാനം സഭാമണ്ഡപത്തിൽ സെമിനാറും സാംസ്കാരിക സമ്മേളനവും ഒക്ടോബർ 8 വ്യാഴാഴ്ച നടക്കും.
ഉച്ചയ്ക്ക് 2 മണിക്ക് ‘അമ്മദൈവങ്ങളും തോറ്റംപാട്ടുകളും’എന്ന വിഷയത്തിൽ സെമിനാർ നടക്കും.ഡോ. സി.എം. നീലകണ്ഠൻ മോഡറേറ്ററാകും.ഡോ. കെ.പി. ശ്രീദേവി ആമുഖഭാഷണം നടത്തും. ആലങ്കോട് ലീലാകൃഷ്ണൻ,ഡോ. രാജൻ ചുങ്കത്ത്, ടി. കൃഷ്ണപ്രസാദ്, ഇ.എസ്. വിഷ്ണു എന്നിവർ പ്രബന്ധം അവതരിപ്പിക്കും.വൈകീട്ട് 5 മണിക്ക് നടക്കുന്ന സാംസ്കാരിക സമ്മേളനം സാംസ്കാരിക വകുപ്പ് മന്ത്രി പി.സി. വിഷ്ണുനാഥ് ഉദ്ഘാടനം ചെയ്യും.പത്മശ്രീ മട്ടന്നൂർ ശങ്കരൻകുട്ടിമാരാർ അധ്യക്ഷത വഹിക്കും.സ്വാഗതസംഘം ചെയർമാൻ കുറുങ്ങോട്ട് വാസുദേവൻ നമ്പൂതിരി സ്വാഗതം പറയും. തവനൂർ എംഎൽഎ വി.എസ്. ജോയ്, പൊന്നാനി എംഎൽഎ കെ.പി. നൗഷാദലി, സൗത്ത് സോൺ കൾച്ചറൽ സെന്റർ ഡയറക്ടർ കെ.കെ. ഗോപാലകൃഷ്ണൻ തുടങ്ങിയവർ പങ്കെടുക്കും.
