പെരുമുക്ക് ശ്രീ കാരേക്കാട്ട് ഭഗവതി ക്ഷേത്രത്തിൽ കന്നിമാസ ആയില്യപൂജ നടന്നു

ചങ്ങരംകുളം:പെരുമുക്ക് ശ്രീ കാരേക്കാട്ട് ഭഗവതി ക്ഷേത്രത്തിൽ കന്നിമാസ ആയില്യപൂജ ആഘോഷപൂർവ്വം നടന്നു.നാഗാരാധനയ്ക്ക് ഏറെ പ്രാധാന്യമുള്ള കന്നിമാസ ആയില്യം നാളിൽ നാഗദേവതകളുടെ പ്രീതിക്കായി പ്രത്യേക പൂജകളും വഴിപാടുകളും നടത്തി.ക്ഷേത്രം മേൽശാന്തി ഏഴിക്കോടില്ലം പരമേശ്വരൻ ഇളയത് പൂജകൾക്ക് നേതൃത്വം നൽകി.സർപ്പദോഷ പരിഹാരം,കുടുംബക്ഷേമം,സന്താനസൗഭാഗ്യം,വാസസ്ഥല ദോഷപരിഹാരം തുടങ്ങിയവയ്ക്കായി നിരവധി ഭക്തർ ആയില്യപൂജയിൽ പങ്കെടുത്തു.