ഹൈക്കോടതി ജീവനക്കാരുടെ ഡ്യൂട്ടിസമയത്തെ സോഷ്യൽ മീഡിയ ഉപയോഗം നിരോധിച്ചു

ഹൈക്കോടതി ജീവനക്കാരുടെ ഡ്യൂട്ടിസമയത്തെ സോഷ്യൽ മീഡിയ ഉപയോഗം നിരോധിച്ചു. ഡ്യൂട്ടിസമയത്ത് ജീവനക്കാരുടെ മൊബൈൽ ഉപയോഗം ഹൈക്കോടതിയുടെ ഓഫീസ് പ്രവർത്തനത്തെ ഗുരുതരമായി ബാധിക്കുന്നുവെന്ന് ചൂണ്ടിക്കാട്ടിയാണ് പുതിയ ഉത്തരവിറക്കിയിരിക്കുന്നത്. ഡ്യൂട്ടി സമയത്ത് സോഷ്യൽ മീഡിയ ഉപയോഗം, ഓൺലൈൻ ഗെയിമിങ്,​ ട്രേഡിങ്, സിനിമ കാണുന്നത് എന്നിവക്ക് നിരോധനമേർപ്പെടുത്തി ഹൈക്കോടതി രജിസ്ട്രാർ ജനറലാണ് ഉത്തരവിറക്കിയത്ഉച്ചഭക്ഷണത്തിനുള്ള ഇടവേളയിൽ മൊബൈൽ ഉപയോഗിക്കാം. ഔദ്യോഗിക ആവശ്യങ്ങൾക്കല്ലാതെ ജീവനക്കാർ ഓഫീസ് സമയത്ത് മൊബൈൽഫോൺ ഉപയോഗിക്കാൻ പാടില്ല. നിർദ്ദേശങ്ങൾ പാലിക്കപ്പെടുന്നുണ്ടെന്ന് ഉറപ്പാക്കാൻ മുതിർന്ന ഉദ്യോഗസ്ഥർക്കും നിർദേശം നൽകിയിട്ടുണ്ട്. നിർദേശങ്ങൾ ലംഘിക്കുന്നത് ഗൗരവമായി കാണുമെന്നും മുന്നറിയിപ്പുിൽ വ്യക്തമാക്കുന്നു.