ചങ്ങരംകുളം:പെരുമ്പിലാവ്–കുറ്റിപ്പുറം സംസ്ഥാനപാതയിലെ വളയംകുളത്ത് കാർ പിക്കപ്പില് ഇടിച്ച് നിയന്ത്രണം വിട്ട് റോഡരികിൽ പാർക്ക് ചെയ്തിരുന്ന ഇന്നോവ കാറിലേക്ക് ഇടിച്ച് കയറി അപകടം.ചൊവ്വാഴ്ച ഉച്ചയ്ക്ക് 12 മണിയോടെയായിരുന്നു സംഭവം.
നെടുമ്പാശ്ശേരി വിമാനത്താവളത്തിലേക്ക് യാത്ര ചെയ്യുകയായിരുന്ന കണ്ണൂർ പിണറായി സ്വദേശികൾ സഞ്ചരിച്ച ഇന്നോവ കാർ കരിക്ക് വെള്ളം കുടിക്കുന്നതിനായി റോഡിന്റെ ഇടതുവശത്ത് പാർക്ക് ചെയ്തിരിക്കുകയായിരുന്നു. ഇതിനിടെയാണ് കരിക്ക് വിതരണം നടത്തിയിരുന്ന പൊന്നാനി സ്വദേശിയുടെ പിക്കപ്പ് ചങ്ങരംകുളം ഭാഗത്തേക്ക് തിരിച്ചത്.ഇതിനിടെ ചങ്ങരംകുളം ഭാഗത്ത് നിന്ന് വന്നിരുന്ന ചാലിശേരി മണ്ണാരപ്പറമ്പ് സ്വദേശിയുടെ ഓഡി കാർ പിക്കപ്പിന്റെ പിറകിൽ ഇടിച്ച് നിയന്ത്രണം വിട്ടത്.ഇടിയുടെ ആഘാതത്തിൽ നിയന്ത്രണം വിട്ട ഓഡി റോഡരികിൽ പാർക്ക് ചെയ്തിരുന്ന ഇന്നോവയിലും ഇടിക്കുകയായിരുന്നു.
അപകടത്തിൽ ആളപായമൊന്നും ഉണ്ടായില്ല.അപകടത്തിൽ മൂന്ന് വാഹനങ്ങൾക്കും സാരമായ കേടുപാടുകൾ സംഭവിച്ചു.അപകടത്തെ തുടർന്ന് പ്രദേശത്ത് അൽപസമയം ഗതാഗത തടസ്സവും ഉണ്ടായി
