മൂക്കുതലയിൽ ഡിവൈഎഫ്ഐ സ്പോട്ട് കിക്ക് ചലഞ്ച് ” പന്താട്ടം” സംഘടിപ്പിച്ചു

ചങ്ങരംകുളം:ഫിഫ വേൾഡ് കപ്പ് ഫൈനലിന് മുന്നോടിയായി മൂക്കുതലയിൽ ഡിവൈഎഫ്ഐ സ്പോട്ട് കിക്ക് ചലഞ്ച് ” പന്താട്ടം” സംഘടിപ്പിച്ചു.എമ്പത് പേർ പന്താട്ടത്തിൽ കിക്ക് ചെയ്തതിൽ 16 പേർ ലക്ഷ്യം കണ്ടു. വി.എച്ച് ആതിരയുടെ അധ്യഷതയിൽ അനീഷ് നവധാര ഉദ്ഘാടനം ചെയ്ത പരിപാടിയിൽ കെ.എ അരുൺ സ്വാഗതം പറഞ്ഞു.വിജയികൾക്ക് അഖിലേന്ത്യ ഫുട്ബോൾ താരം എ.എം.ഷാജിമോൻ ട്രോഫികൾ വിതരണം ചെയ്തു.നന്നംമുക്ക് പഞ്ചായത്തംഗം എം.അജയഘോഷ്, പി.എൻ. നാഷിദ്, എം. ആശീർവാദ്,രാംനാഥ് സഫ്ദർ,കെ.ബി. ശ്രേയസ് എന്നിവർ സംസാരിച്ചു.