ലഹരി വാങ്ങാന്‍ പണം നല്‍കിയില്ല; അമ്മയെ കുത്തി പരുക്കേൽപ്പിച്ച് മകൻ

തിരുവനന്തപുരം:ലഹരി വാങ്ങാൻ പണം നൽകാത്തതിനെത്തുടർന്ന് അമ്മയെ കുത്തി പരുക്കേൽപ്പിച്ച് മകൻ. തിരുവനന്തപുരം പോത്തൻകോട് ആണ് സംഭവം. പോത്തൻകോട് സ്വദേശി സന്ധ്യയ്ക്ക് (47) ആണ് കുത്തേറ്റത്. മകൻ പോത്തൻകോട് സ്വദേശി സജീവിനെ (28) പൊലീസ് അറസ്റ്റ് ചെയ്തു.നിരവധി തവണ മർദിച്ച ശേഷമാണ് ഇയാൾ സന്ധ്യയെ കത്തി ഉപയോഗിച്ച് മുതുകിൽ കുത്തിയത്. പണം നൽകാത്തതിൻ്റെ വൈരാഗ്യത്തിൽ വീട്ടിലെ സാധനങ്ങൾ തകർത്തതായും പരാതിയുണ്ട്. മുറിയിലെ അലമാരയടക്കം ഇയാൾ തകർത്തു.