ചങ്ങരംകുളം:പൊന്നാനി താലൂക്ക് വ്യവസായ ഓഫീസ് , മലപ്പുറം ജില്ലാവ്യവസായ കേന്ദ്രത്തിന്റെ ആഭിമുഖ്യത്തിൽ സൂക്ഷമ ചെറുകിട ഇടത്തരം സംരംഭങ്ങളുടെ വളർച്ച ത്വരിതപെടുത്തുക എന്ന ലക്ഷ്യത്തോടുകൂടി RAMP പദ്ധതിയിൽ പന്താവൂർ ക്രിയേറ്റീവ് ബിസിനെസ്സ് ഹിൽസ് വച്ച് ബാങ്കേഴ്സ് മീറ്റ് നടത്തി.പെരുമ്പടപ്പ് ബ്ലോക്ക് പഞ്ചായത്ത് പ്രസിഡണ്ട് റമീന ഇസ്മായിൽ ഉൽഘാടനം നിർവഹിച്ചു.ചടങ്ങിൽ ആലങ്കോട് പഞ്ചായത്ത് വൈസ് പ്രസിഡണ്ട് സുബൈർ ഉദിനുപറമ്പ് അധ്യക്ഷനായി.ജില്ലാവ്യവസായ കേന്ദ്രം ജനറൽ മാനേജർ ഗിരീഷ് എം മുഖ്യ പ്രഭാഷണം നടത്തി. പെരുമ്പടപ്പ് ബ്ലോക്ക് മെമ്പർ അശ്വതി സന്തോഷ് ,ആലങ്കോട് പഞ്ചായത്ത് മെമ്പർ അബൂബക്കർ സിദ്ധീക്ക് , ജില്ലാ വ്യവസായ കേന്ദ്രം മാനേജർ സ്മിത പി KSSIA പൊന്നാനി പ്രസിഡണ്ട് മുജീബ് കെ കെ എന്നിവർ ആശംസകൾ അറിയിച്ചു.ഉപജില്ലാ വ്യവസായ ഓഫീസർ മുഹമ്മദ് ഫവാസ് പി എ സ്വാഗതവും ,പെരുമ്പടപ്പ് വ്യവസായ വികസന ഓഫീസർ ദിലീപ് കുമാർ കെ നന്ദിയും രേഖപ്പെടുത്തി .
125 സംരംഭകർ പങ്കെടുത്ത ചടങ്ങിൽ 145 ലക്ഷം രൂപയുടെ വായ്പ വിതരണം നടത്തുകയും 161 ലക്ഷം രൂപയുടെ വായ്പ അപേക്ഷകൾ ബാങ്കുകൾ സ്വീകരിക്കുകയും ചെയ്തു.ബാങ്കുകൾ , KSBCDC തുടങ്ങിയ സ്ഥാപനങ്ങളിൽ നിന്നായി 32 ബാങ്കിങ് പ്രതിനിധികൾ ബാങ്കേഴ്സ് മീറ്റിൽ പങ്കെടുത്തു.ചടങ്ങിൽ വച്ച് മികച്ച പ്രകടനം നടത്തിയ ബാങ്കുകളെ അനുമോദിച്ചു .ബാങ്കിങ് പ്രതിനിധികളുമായുള്ള പാനൽ ഡിസ്കഷൻ പൊന്നാനി ബ്ലോക്ക് / നഗരസഭ വ്യവസായ വികസന ഓഫീസർ നിധിൻ പി ചടങ്ങ് നിയന്ത്രിച്ചു .
