ചാലിശ്ശേരി:പെരിങ്ങോട് ഹയർ സെക്കൻഡറി സ്കൂളിലെ പ്ലസ് ടു സയൻസ് വിഭാഗം വിദ്യാർത്ഥിയായ 17-കാരൻ വിഘ്നേഷ് കെ, റോബോട്ടിക്സ്,ആർട്ടിഫിഷ്യൽ ഇന്റലിജൻസ് മേഖലകളിലെ വിത്യസ്ഥമായ നേട്ടങ്ങളിലൂടെ ശ്രദ്ധ നേടുന്നു.ചെറുപ്പത്തിൽ തന്നെ സാങ്കേതികവിദ്യയോടുള്ള താൽപര്യം വളർത്തിയ വിഘ്നേഷ്, 50-ലധികം റോബോട്ടുകളും എഐ അധിഷ്ഠിത പദ്ധതികളും വികസിപ്പിച്ചിട്ടുണ്ട്.
കുട്ടികൾക്ക് വിനോദവും പഠനാനുഭവവും ഒരുമിച്ച് നൽകുന്ന ഇന്ത്യയിലെ ശ്രദ്ധേയ എഐ റോബോ നായയായ DDZ AI ROBOയുടെ സ്രഷ്ടാവാണ് വിഘ്നേഷ്.കുട്ടികളോട് സൗഹൃദപരമായി പെരുമാറാൻ ,റിമോട്ടിൽ ചലിക്കുന്ന സംവിധാനം,ലൈറ്റ്–സൗണ്ട് എഫക്റ്റുകൾ എന്നിവയാണ് ഈ റോബോയുടെ പ്രധാന സവിശേഷതകൾ.
DDZ AI ROBOയുടെ വികസനത്തിനും റോബോട്ടിക്സ് മേഖലയിലെ നവീന പ്രവർത്തനങ്ങൾക്കും കേരള മുഖ്യമന്ത്രിയുടെ അഭിനന്ദനം വിഘ്നേഷിന് ലഭിച്ചിട്ടുണ്ട്.യുവജനങ്ങളിൽ ശാസ്ത്ര–സാങ്കേതിക വിദ്യകളോടുള്ള താൽപര്യം വളർത്തുന്നതിനുള്ള അദ്ദേഹത്തിന്റെ ശ്രമങ്ങൾ വിവിധ മേഖലകളിൽ പ്രശംസിക്കപ്പെട്ടിട്ടുണ്ട്.
റോബോട്ടിക്സ്,ആർട്ടിഫിഷ്യൽ ഇന്റലിജൻസ് ഗവേഷണങ്ങൾ കൂടുതൽ വ്യാപിപ്പിക്കുന്നതിനായി വിഘ്നേഷ് DDZai LABS എന്ന സ്ഥാപനവും ആരംഭിച്ചിട്ടുണ്ട്.ഭാവിയിൽ ആഗോള നിലവാരത്തിലുള്ള സാങ്കേതിക ഉൽപ്പന്നങ്ങൾ വികസിപ്പിക്കുക എന്ന ലക്ഷ്യത്തോടെ പ്രവർത്തിച്ചുവരുന്ന ഈ യുവ നവോത്ഥാനകാരൻ വിദ്യാർത്ഥികൾക്ക് പ്രചോദനമായി മാറുകയാണ്
