ചങ്ങരംകുളം:മൂക്കുതല പി ചിത്രന് നമ്പൂതിരിപ്പാട് ഗവണ്മെന്റ് ഹയര് സെക്കണ്ടറി സ്കൂളിലെ വിജയോത്സവവും പി. ചിത്രൻ നമ്പൂതിരിപ്പാട് മെമ്മോറിയൽ എൻഡോവ്മെന്റ് വിതരണവും പുതിയ കെട്ടിടത്തിന്റെ ഉദ്ഘാടനവും ജൂണ് 27ന് നടക്കുമെന്ന് സ്കൂള് മാനേജ്മെന്റ് ഭാരവാഹികള് വാര്ത്താസമ്മേളനത്തില് അറിയിച്ചു.എസ് എസ് എല് സി പ്ളസ്ടു പരീക്ഷകളില് മുഴുവന് വിഷയങ്ങളിലും എപ്ളസ് നേടിയ വിദ്യാര്ത്ഥികളെയാണ് ഈ വര്ഷം മുതല് പത്മശ്രീ പി ചിത്രൻ നമ്പൂതിരി പ്പാടിന്റെ പേരിലുള്ള എൻഡോവ്മെന്റും ഫലകവും ക്യാഷ് പ്രൈസും നല്കി അനുമോദിക്കുന്നത്.അന്തരിച്ച പത്മശ്രീ പി. ചിത്രൻ നമ്പൂതിരിപ്പാടിന്റെ സ്മരണ നിലനിറുത്തുന്നതിനായാണ് ഈ വർഷം മുതൽ മെമ്മോറിയൽ എൻഡോവ്മെന്റ് ഏർപ്പെടുത്തിയതെന്ന് പിടിഎ ഭാരവാഹികള് പറഞ്ഞു.പി.ടി.എ, എസ്.എം.സി, എസ്.എം.ഡി.സി എന്നിവയുടെ നേതൃത്വത്തില് നാട്ടുകാരുടെ സഹകരണത്തോടെ നിർമ്മിച്ച അധിക ക്ലാസ് മുറികളുടെ ഉദ്ഘാടനവും ചടങ്ങില് വെച്ച് നടക്കും.
വിദ്യാർഥികളുടെ എണ്ണം വർധിച്ചതിനെ തുടർന്ന് ക്ലാസ് മുറികളുടെ ക്ഷാമം പരിഹരിക്കാനായി 28 ലക്ഷം രൂപ ചെലവഴിച്ചാണ് യുപി വിഭാഗത്തിൽ ഒരു ക്ലാസ് മുറിയുടെയും എസ്.എസ്.കെ ഫണ്ടിന്റെ സഹായത്തോടെ ഹയർ സെക്കൻഡറി വിഭാഗത്തിനായി രണ്ട് പുതിയ ക്ലാസ് മുറികളുടെയും നിർമ്മാണം പൂര്ത്തിയാക്കിയത്.പൊന്നാനി എംഎല്എ പികെ നൗഷാദലി ക്ളാസ്മുറികളുടെ ഉദ്ഘാടനം നിര്വ്വഹിക്കും.അജിത്ത് കൊളാടി പി ചിത്രന് നമ്പൂതിരിപ്പാട് അനുസ്മരണം നടത്തും.പി.ടി.എ പ്രസിഡന്റ് പ്രണവം പ്രസാദ്,എസ്.എം.സി ചെയർമാൻ അബ്ദുല് ലത്തീഫ്,എം.പി.ടി.എ പ്രസിഡന്റ് വിഷ്ണുപ്രിയ, പി.ടി.എ വൈസ് പ്രസിഡന്റ് ജിഷ സുരേഷ്,പ്രിൻസിപ്പൽ സി.വി. മണികണ്ഠൻ,ഹെഡ്മിസ്ട്രസ് സി.കെ. ജീന, സലീന അഷ്റഫ് തുടങ്ങിയവര് വാര്ത്താസമ്മേളനത്തില് പങ്കെടുത്തു.
