ശക്തമായ മഴ’ചങ്ങരംകുളം പെരുമുക്കില്‍ ക്ഷേത്രകുളത്തിൻ്റെ മതിൽ കെട്ട് തകർന്ന് ക്ഷേത്രകുളത്തിലേക്ക് വീണു

ചങ്ങരംകുളം:പുലർച്ചെ ഉണ്ടായ അതിശക്തമായ മഴയിൽ പെരുമുക്കില്‍ ക്ഷേത്രകുളത്തിൻ്റെ മതിൽ കെട്ട് തകർന്ന് ക്ഷേത്രകുളത്തിലേക്ക് വീണു.ബുധനാഴ്ച പുലര്‍ച്ചെയാണ് സംഭവം.പെരുമുക്ക് ശ്രീ കാരേക്കാട് ഭഗവതി ക്ഷേത്രത്തിന്റെ പടിഞ്ഞാറെ ഭാഗത്തുള്ള പഞ്ചായത്ത് റോഡിൻ്റെ സൈഡ് ഇടിഞ്ഞ് താഴ്ന്നതോടെയാണ് ക്ഷേത്രകുളത്തിൻ്റെ മതിൽ കെട്ട് തകർന്ന് ക്ഷേത്രകുളത്തിലേക്ക് പതിച്ചത്.അപകടത്തെ തുടര്‍ന്ന് ഇതുവഴിയുള്ള ഗതാഗതവും മുടങ്ങി.നിർത്താതെ പെയ്ത് കൊണ്ടിരിക്കുന്ന മഴയിൽ റോഡിന്റെ കൂടുതല്‍ ഭാഗം അപകടാവസ്ഥയിലാണെന്നും ഇതു വഴി യാത്ര ചെയ്യുന്നവര്‍ ജാഗ്രത പാലിക്കണമെന്നും ക്ഷേത്രകമ്മിറ്റി ഭാരവാഹികള്‍ പറഞ്ഞു