ഗാന്ധിജിയെ ഇല്ലായ്മ ചെയ്തവർ ആശയങ്ങളെയും ഇല്ലാതാക്കാൻ ശ്രമിക്കുന്നു: സി. ഹരിദാസ്

പൊന്നാനി: പൊന്നാനി ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തിൽ ഗാന്ധിജയന്തി ദിനാചരണം നടത്തി. പൊന്നാനി കെഎസ്ആർടിസി സ്റ്റാൻഡിനു മുന്നിൽ പുഷ്പാർച്ചനയും, ട്രാൻസ്പോർട്ട് ബസ്സുകളുടെ ശുചീകരണ പ്രവർത്തികളും മുൻ എംപി സി ഹരിദാസ് ഉദ്ഘാടനം ചെയ്തു. ജാതിമതഭേദമന്യേ എല്ലാവരെയും ഒന്നായി സ്നേഹിക്കുവാൻ പഠിപ്പിച്ച ഭാരതത്തിൻ്റെ ആത്മാവാണ് ഗാന്ധിജിയെന്നും അദ്ദേഹത്തെ ഇല്ലായ്മ ചെയ്തവർ ഇന്ന് ഗാന്ധിജിയുടെ ആശയങ്ങളെയും ഇല്ലായ്മ ചെയ്യുവാൻ ശ്രമിക്കുകയാണെന്നും ശുചീകരണ പരിപാടി ഉദ്ഘാടനം ചെയ്തുകൊണ്ട് പ്രമുഖ ഗാന്ധിയൻ കൂടിയായ സി ഹരിദാസ് കുറ്റപ്പെടുത്തി. ബ്ലോക്ക് കോൺഗ്രസ് പ്രസിഡണ്ട് മുസ്തഫ വടമുക്ക് അധ്യക്ഷ വഹിച്ചു.