പാവിട്ടപ്പുറം ഹൈവേ ബസ് കാത്തിരിപ്പ് കേന്ദ്രം വൃത്തിയാക്കി: ടീം വെൽഫെയർ മാതൃകയായി

ചങ്ങരംകുളം: ഗാന്ധി ജയന്തി ദിനാചരണത്തിന്റെ ഭാഗമായി പാവിട്ടപ്പുറം ഹൈവേ ബസ് കാത്തിരിപ്പ് കേന്ദ്രവും പരിസരവും ശുചീകരിച്ച് ആലങ്കോട് പഞ്ചായത്ത് ടീം വെൽഫെയർ അംഗങ്ങൾ. കാടുകയറിയും മാലിന്യങ്ങൾ നിറഞ്ഞും വിഷജന്തുക്കളുടെ താവളമായി മാറിയ ബസ് സ്റ്റോപ്പ് യാത്രക്കാർക്ക് ഉപയോഗപ്രദമായ രീതിയിലാണ് സംഘം വൃത്തിയാക്കിയത്.
പാർട്ടി സെക്രട്ടറി ഇ.എം. അൻവറിന്റെ നേതൃത്വത്തിലാണ് ശുചീകരണ പ്രവർത്തനങ്ങൾ നടന്നത്. ഇ.വി. ഇബ്രാഹിം കുട്ടി, കെ. ഹംസ, സലിം പുത്തൻപുരക്കൽ, അബ്ദുട്ടി വളയംകുളം എന്നിവരും ശുചീകരണ ദൗത്യത്തിൽ പങ്കാളികളായി.