ലോക രക്ത ദാതൃ ദിനത്തിൽ വിവിധ പരിപാടി കളുമായി ബ്ലഡ് ഡോണേഴ്സ് കേരള പൊന്നാനി തലൂക്ക് കമ്മിറ്റി

എടപ്പാൾ:ലോക രക്ത ദാതൃ ദിനത്തിന്റെ ഭാഗമായി ബി ഡി കെ പൊന്നാനി താലൂക്ക് കമ്മിറ്റി യുടെ ആഭിമുഖ്യത്തിൽ ഇൻ ഹൗസ് രക്ത ദാന ക്യാമ്പ്, ബ്ലഡ് സെന്റർ ജീവനക്കാരെ ആദരിക്കൽ,കോർഡിനേറ്റർമാർക്കുള്ള ബോധവൽക്കരണ ക്ലാസ് എന്നിവ സംഘടിപ്പിച്ചു.എടപ്പാൾ ഹോസ്പിറ്റൽ ബ്ലഡ് സെന്ററിന്റെ സഹകരണത്തോടെ ബ്ലഡ് സെന്ററിൽ വെച്ച് രക്ത ദാന ക്യാമ്പ് സംഘടിപ്പിച്ചു. 20 പേര് പങ്കെടുത്ത ക്യാമ്പിൽ 4 പുതു രക്തദാതാക്കളും 5 വനിതകളും ഉൾപ്പെടെ 16 പേർ സന്നദ്ധ രക്ത ദാനം നിർവഹിച്ചു. തുടർന്ന് എടപ്പാൾ ഹോസ്പിറ്റലിൽ വെച്ച് നടന്ന ചടങ്ങിൽ ബ്ലഡ് സെന്റർ മെഡിക്കൽ ഓഫീസർ ഡോ. പി എം വിശ്വനാഥൻ, ഡോ. മാധുരി, ബ്ലഡ് സെന്റർ ഇൻചാർജ് അഖില കല്ലയിൽ മറ്റ് ജീവനക്കാരായ അൽ അമീൻ എസ്, ഗ്രീഷ്മ പിടി, ആർച്ച സിവി എന്നിവരെ രക്തദാന രംഗത്തെ സ്തുത്യർഹമായ സേവനത്തിന് ബിഡികെ പൊന്നാനി താലൂക്ക് കമ്മിറ്റി ആദരിച്ചു.എടപ്പാൾ ഗ്ലോബൽ ഫിറ്റ്നസ് സെന്ററിൽ വെച്ച് നടന്ന ബോധവൽക്കരണ ക്ലാസിന് ബി ഡി കെ മലപ്പുറം ജില്ലാ കമ്മിറ്റി അംഗം ഹിജാസ് മാറഞ്ചേരി നേതൃത്വം നൽകി. പരിപാടിയിൽ ബി ഡി കെ മലപ്പുറം ജില്ലാ പ്രസിഡന്റ് മുർഷിദ് കോഡൂരും, സെക്രട്ടറി അജ്മൽ വലിയോറയും പങ്കെടുത്ത് എസ് എസ് എൽ സി, പ്ലസ് ടു ഉന്നത വിജയം കൈവരിച്ച ബി ഡി കെ കുടുബാംഗങ്ങളായ വിദ്യാർത്ഥികളെ ആദരിച്ചു. രക്തദാന ക്യാമ്പിന് ബി ഡി കെ സംസ്ഥാന, ജില്ലാ, താലൂക്ക്,ഏയ്ഞ്ചൽസ് വിംഗ് ഭാരവാഹികളായ ജുനൈദ് നടുവട്ടം, ഹിജാസ് മാറഞ്ചേരി, അഷ്‌കർ വട്ടംകുളം, അജി കോളലമ്പ്,ജംഷീദ് പൊന്നാനി, ഫാത്തിമ, അനീഷ ഫൈസൽ, ദിവ്യ പ്രമോദ്, അശ്വതി, ദീപിക എന്നിവരും, ബ്ലഡ് സെന്റർ ജീവനക്കാരും ചേർന്ന് നേതൃത്വം നൽകി.