കേരള വ്യാപാരി വ്യവസായി ഏകോപന സമിതി മാറഞ്ചേരി യൂണിറ്റ് പരീക്ഷവിജയികളെ അനുമോദിച്ചു

മാറഞ്ചേരി :കേരള വ്യാപാരി വ്യവസായി ഏകോപന സമിതി മാറഞ്ചേരി യൂണിറ്റിലെ അംഗങ്ങളുടെ മക്കളിൽ നിന്നും വിവിധ പരീക്ഷകൾ വിജയിച്ചവർക്കുള്ള അനുമോദന സമ്മേളനം ജയ് ഹോ അക്കാഡമിക് എക്സലൻസ് അവാർഡ് 26 നടന്നു.മാറഞ്ചേരി ട്രസ്റ്റ് ഹാളിൽ നടന്ന അനുമോദന സമ്മേളനം ജില്ലാ പഞ്ചായത്ത് മെമ്പറും യൂണിറ്റിലെ അംഗവുമായ സുലൈഖ റസാഖ് ഉദ്ഘാടനം ചെയ്തു.ചാവക്കാട് കോൽസ്റ്റൽ പോലീസിലെ സർക്കിൾ ഇൻസ്പെക്ടർ ശശീന്ദ്രൻ മേലയിൽ മുഖ്യപ്രഭാഷണം നടത്തി. യൂണിറ്റ് പ്രസിഡൻ്റ് അഷ്റഫ് വീട്ടിലയിൽ അധ്യക്ഷനായി.യൂണിറ്റ് സെക്രട്ടറി രമേഷ് അമ്പാരത്ത്,വ്യാപാരി വ്യവസായി ഏകോപനസമിതി വനിതാ വിംഗ് ജില്ല വൈസ് പ്രസിഡൻറ് ആരിഫ കുഞ്ഞുമുഹമ്മദ്,മണ്ഡലം പ്രസിഡണ്ട് ഫൈസൽ തവയിൽ,ഭാരവാഹികളായ എ. ഇസ്മായിൽ, സക്കീർ പൂളക്കൽ, സത്താർ അമ്പാരത്ത്, വിജയൻ കണ്ണത്ത്, വി. കെ നജുമുദ്ധീൻ, വി. ബാബു, കബീർ ഫിദ, സലാം പൂങ്ങാട്ടയിൽ,ബഷീർ സൺഡേ മീഡിയ എന്നിവർ സംസാരിച്ചു.വിജയികൾക്കുള്ള സമ്മാനദാനം യൂണിറ്റ് എക്സിക്യൂട്ടീവ് അംഗങ്ങൾ നിർവഹിച്ചു.