പൊന്നാനി: പൊന്നാനി ഹാർബറിലെ കോമ്പൗണ്ടിൽ അറ്റകുറ്റ പണികൾക്കായി അഴിച്ചു വെച്ചിരുന്ന 5 ഇരുമ്പുഗേ റ്റുകൾ മോഷണം പോയ സംഭവത്തിൽ ടോൾ ജീവനക്കാരൻ അറസ്റ്റിൽ.പൊന്നാനി അഴിക്കൽ സ്വദേശി ഹുസൈനെയാണ് (47) പൊന്നാനി സി.ഐ കെ. സതീ ഷ് കുമാറിൻ്റെ നേതൃത്വത്തിലുള്ള പൊലീസ് സംഘം അറസ്റ്റ് ചെയ്തത്.ഹാർബർ എൻജിനീയറിങ് വകുപ്പ് അസിസ്റ്റൻ്റ് എൻജിനീയർ പൊലീസിൽ നൽകിയ പരാതിയുടെ അടിസ്ഥാനത്തില് കേസ് രജിസ്റ്റർ ചെയ്ത് നടത്തിയ അന്വേഷണത്തിലാണ് പ്രതി അറസ്റ്റിലായത്.
മോഷണം നടത്തുന്നതിന് മറ്റുള്ളവരുടെ സഹായം കിട്ടിയിട്ടുണ്ടോ എന്നുള്ള കാര്യത്തിൽ അന്വേഷണം നടന്നു കൊണ്ടിരിക്കുകയാണ്.അടുത്ത ദിവസം തന്നെ പ്രതിയെ കസ്റ്റഡിയിൽ വാങ്ങി തെളിവെടുപ്പ് നടത്തുമെന്നും പൊ ലീസ് പറഞ്ഞു. എസ്. ഐ. ആന്റോ,എസ് സി പി ഒ മാരായ നാസർ,ശ്രീജിത്ത്,രതിക,സിപിഒ ശ്രീരാജ് എന്നിവർ അടങ്ങിയ അന്വേഷണ സംഘമാണ് പ്രതിയെ പിടികൂടിയത്
