യാത്രക്കാരോട് കെ.എസ്.ആർ.ടിസി അവഗണന.പൊന്നാനി ഡിപ്പോകോൺഗ്രസ് ഉപരോധിച്ചു

പൊന്നാനി: കഴിഞ്ഞ പത്ത് വർഷമായി കെ. എസ്.ആർ.ടി.സി പൊന്നാനി ഡിപ്പോ യാത്രക്കാരെ ബുദ്ധിമുട്ടിക്കുന്നതിന് പരിഹാരം കാണണമെന്നാവശ്യപ്പെട്ട് മണ്ഡലം കോൺഗ്രസ് ഡിപ്പോക്ക് മുൻപിൽ ഉപരോധ സമരം ചെയ്തു.ഡി.സി.സി ജനറൽ സെക്രട്ടറി ടി.കെ. അഷറഫ് ഉദ്ഘാടനം ചെയ്തു. മണ്ഡലം പ്രസിഡണ്ട് കെ. ജയപ്രകാശ് അധ്യക്ഷത വഹിച്ചു.പൊന്നാനി യിൽ പല സർവ്വീസുകളും നിർത്തലാക്കിയത് പുനസ്ഥാപിക്കുക യും ചമ്രവട്ടം വഴിയുള്ള യാത്രക്കാർ സമയത്തിന് ബസ് വരാതെയുള്ള കാത്തിരിപ്പിന് പരിഹാരം കാണുവാനും,കട്ടപ്പുറത്ത് ഇരിക്കുന്ന കാലാവധി കഴിഞ്ഞ ബസുകൾ ഫിറ്റ്നസ് ശരിയാക്കി ഓടിക്കുന്നത് നിർത്തലാക്കുകയും ചെയ്യണമെന്ന് സമരം ഉദ്ഘാടനം ചെയ്ത് നഗരസഭ പ്രതിപക്ഷ നേതാവ് കുടിയായ ടി.കെ. അഷറഫ് ആവശ്യപ്പെട്ടു.സർവ്വീസിന് പുതിയ ബസുകൾ കൊണ്ടുവരിക, ഇരുപത്തിയൊന്നോളം ഡ്രൈവർന്മാരുൾപ്പടെ നിരവധി ജീവനക്കാരുടെ കുറവ് പരിഹരിക്കുക,വൈകുന്നേരം പൊന്നാനിയിൽ നിന്ന് പുറപ്പെടുന്ന തിരുവനന്തപുരം സൂപ്പർ ഫാസ്റ്റ് നിലനിർത്തുക,ഇപ്പോൾ ഓടുന്ന പ്രീമിയർ ബസിന് പൊന്നാനി സ്റ്റാൻ്റ് കഴിഞ്ഞാൽ എടപ്പാളിൽ മാത്രം നിർത്തുന്നത് ഒഴിവാക്കി ടൗൺ,ചന്തപ്പടി, ചമ്രവട്ടം ജങ്ക്ഷൻ എന്നിവിടങ്ങളിൽ സ്റ്റോപ്പ് അനുവദിക്കുകയും ചെയ്യണമെന്ന് ടി.കെ. അഷറഫ് ആവശ്യപ്പെട്ടു.എം.അബ്ദുൾ ലത്തീഫ് ,കൗൺസിലർന്മാരായ കെ.പി. സോമൻ, കെ. ശ്രീകല ചന്ദ്രൻ, പി.സി. കോയ,പി.സദാനന്ദൻ , കെ. മുരളീധരൻ, വി.വസുന്ധരൻ , കെ. സലാം,എസ്.മുസ്തഫ, ഫൈസൽ ബാജി, ടി.വി.അരവിന്ദൻ എന്നിവർ നേതൃത്വം നൽകി.ചമ്രവട്ടം വഴി കോഴിക്കോട്, മലപ്പുറം, നിലമ്പൂർ ഭാഗത്തേക്ക് കൂടുതൽ സർവ്വീസ് ആരംഭിക്കുക,നിർത്തലാക്കിയ പെരിന്തൽമണ്ണ ചെയിൻ സർവ്വീസ് ആരംഭിക്കുക, തൃശൂർ മെഡിക്കൽ കോളേജിലെക്ക് പുതിയ സർവ്വീസ് ആരംഭിക്കുക,യാത്രക്കാരുടെ സൗകര്യം മുൻനിറുത്തി തിരൂർ,എടപ്പാൾ ഭാഗങ്ങളിൽ നിന്ന് കൂടുതൽ രാത്രി സർവ്വീസുകൾ ആരംഭിക്കുക തുടങ്ങിയ ആവശ്യങ്ങളും ഉന്നയിച്ച് ഡിപ്പോ ഓഫീസർ കെ.ആർ. രാധാകൃഷ്‌ണന് നിവേദനവും നൽകി.