പാലക്കാട്: മലമ്പുഴ ഡാമിൽ കുളിക്കാനിറങ്ങി കാണാതായ വിദ്യാർഥിയുടെ മൃതദേഹം കണ്ടെത്തി. മലപ്പുറം സ്വദേശി ഷെമിലിന്റെ മൃതദേഹമാണ് പുലര്ച്ചെ നടത്തിയ തിരച്ചിലില് കണ്ടെത്തിയത്.
തെക്കെ മലമ്പുഴ മേഖലയിലാണ് സംഭവം. പാലക്കാട് ഇരട്ടയാറിലെ സ്വകാര്യ കോളേജ് വിദ്യാർഥിയാണ് സുഹൃത്തുക്കൾക്കൊപ്പം കുളിക്കുന്നതിനിടെയാണ് ഡാമിൽ അകപ്പെട്ടത്.
ഇന്നലെ വെകിട്ട് ആറുമണിയോടെയായിരുന്നു സംഭവം. ഡാമിലെത്തിയ വിദ്യാർഥികളുടെ സംഘം കുളിക്കാനിറങ്ങുകയായിരുന്നു. നീന്തി തിരികെ കരയിൽ കയറുന്നതിനിടെയാണ് വിദ്യാർഥി വെള്ളത്തിലകപ്പെട്ടത്. ഇന്നലെ രാത്രി വരെ ഫയർഫോഴ്സ് എത്തി തിരച്ചിൽ നടത്തിയെങ്കിലും കണ്ടെത്താനായില്ല.വെളിച്ചക്കുറവ് കാരണം രാത്രിയോടെ തിരച്ചിൽ നിർത്തിവെച്ചു.രാവിലെ സ്കൂബാ ഡൈവിങ് സംഘം അടക്കം എത്തിയാണ് പരിശോധന നടത്തിയത്
