ഓപ്പറേഷൻ തൂഫാൻ’അന്തർ സംസ്ഥാന ലഹരി കടത്തുസംഘത്തിലെ മൂന്നുപേർ വളാഞ്ചേരിയിൽ പോലീസിൻ്റെ പിടിയിൽ

വളാഞ്ചേരി:ഓപ്പറേഷൻ തൂഫാൻ’പരിശോധനയുടെ ഭാഗമായി അന്തർ സംസ്ഥാന ലഹരി കടത്തുസംഘത്തിലെ മൂന്നുപേരെ വളാഞ്ചേരി പോലീസ് പിടികൂടി.അസാം സ്വദേശികളായ സദാം ഹുസൈന്‍ (32),ഇസാസുല്‍ ഹക്ക് ( 31)റഷീദുല്‍ ഇസ്ലാം ( 28) എന്നിവരെയാണ് ലഹരിശേഖരവുമായി പോലീസ് പിടികൂടിയത്. മുന്നൂറ് ഗ്രാമിലധികം തൂക്കം വരുന്ന ബ്രൗൺ ഷുഗർ ആണ് ഇവരില്‍ നിന്ന് പിടിച്ചെടുത്തത്.ആസാമിൽ നിന്നും ജീപ്പില്‍ രഹസ്യ അറയില്‍ ഒളിപ്പിച്ചു കടത്തുകയായിരുന്നു ബ്രൗൺഷുഗര്‍.രഹസ്യവിവരത്തിൻ്റെ അടിസ്ഥാനത്തിൽ വളാഞ്ചേരി പോലീസും ജില്ലാ പോലീസ് മേധാവിയുടെ നേതൃത്വത്തിലുള്ള ഡാൻസാഫ് സ്ക്വാഡും ചേര്‍ന്നാണ് ഓപ്പറേഷൻ തൂഫാൻ ൻ്റെ ഭാഗമായി പരിശോധന നടത്തിയത്.അസമില്‍ നിന്നും മലപ്പുറം ജില്ലയുടെ വിവിധ ഭാഗങ്ങളില്‍ വിതരണത്തിനായി കൊണ്ട് വരികയായിരുന്നു ബ്രൗൺ ഷുഗർ എന്ന് ഉദ്ധ്യോഗസ്ഥര്‍ പറഞ്ഞു.തിരൂര്‍ ഡിവൈഎസ്പി എ.എം സിദ്ധിഖ്,നാര്‍കോട്ടിക് സെല്‍ ഡിവൈഎസ്പി എന്‍.ഒ സിബി,വളാഞ്ചേരി സിഐ ആനന്ദ് ബാബു, പൊന്നാനി സിഐ സതീഷ്കുമാര്‍,വളാഞ്ചേരി എസ്ഐ എം നിര്‍മ്മല്‍,എന്നിവര്‍ അടങ്ങുന്ന സംഘവും ജില്ലാ ഡാന്‍സാഫ് ടീമും ചേര്‍ന്നാണ് ബ്രൗൺ ഷുഗറുമായി പ്രതികളെ പിടികൂടിയത്.