എ.ഐ.ടി.യു.സി.പരിസ്ഥിതി ദിനാഘോഷത്തിൻ്റെ സംസ്ഥാന തല ഉദ്ഘാടനം എടപ്പാളിൽ ശുകപുരത്ത് നടന്നു

എടപ്പാള്‍:എ.ഐ.ടി.യു.സി. സംസ്ഥാന
കമ്മിറ്റിയുടെ നേതൃത്വത്തിൽ
ജൂൺ 5 ലോക പരിസ്ഥിതി ദിനാഘോഷത്തിൻ്റെ സംസ്ഥാന തല ഉദ്ഘാടനം എടപ്പാളിൽ ശുകപുരം കുട്ടികൃഷ്ണൻ നായരുടെ നാമധേയത്തിലുള്ള സ്ഥലത്ത് വെച്ച് നടന്നു.എ.ഐ.ടി.യു.സി സംസ്ഥാന വർക്കിംഗ് കമ്മിറ്റി അംഗം കെ.എൻ ഉദയന്റെ അധ്യക്ഷതയിൽ ചേർന്ന യോഗത്തിൻ്റെ ഉദ്ഘാടനം എ.ഐ.ടി.യു.സി. സംസ്ഥാന ജനറൽ സെക്രട്ടറി കെ.പി.രാജേന്ദ്രൻ നിർവഹിച്ചു.മനുഷ്യന്റെ നിലനിൽപ്പിനും ഭൂമിയിലെ എല്ലാ ജീവജാലങ്ങളുടെയും ജീവിതത്തിനും പരിസ്ഥിതി അനിവാര്യമാണ്. ശുദ്ധമായ വായു, വെള്ളം, മണ്ണ് എന്നിവയാണ് നമ്മുടെ ജീവിതത്തിന്റെ അടിസ്ഥാനം. എന്നാൽ വനനശീകരണം, മലിനീകരണം,പ്ലാസ്റ്റിക് മാലിന്യങ്ങളുടെ വർധനവ്,കാലാവസ്ഥാ വ്യതിയാനം തുടങ്ങിയ പ്രശ്നങ്ങൾ നമ്മുടെ പരിസ്ഥിതിയെ ഗുരുതരമായി ബാധിച്ചുകൊണ്ടിരിക്കുകയാണ്.
പരിസ്ഥിതിയെ സംരക്ഷിക്കുന്നത് സർക്കാരിന്റെ മാത്രം ഉത്തരവാദിത്വമല്ല, ഓരോ പൗരന്റെയും കടമയാണ്. ഒരു മരം നട്ടുപിടിപ്പിക്കുക, പ്ലാസ്റ്റിക് ഉപയോഗം കുറയ്ക്കുക, ജലവും വൈദ്യുതിയും പാഴാക്കാതിരിക്കുക, പ്രകൃതിയെ സ്നേഹിക്കുകയും സംരക്ഷിക്കുകയും ചെയ്യുക എന്നീ ചെറിയ പ്രവർത്തനങ്ങൾ പോലും വലിയ മാറ്റങ്ങൾ സൃഷ്ടിക്കും.
“നമുക്ക് പാരമ്പര്യമായി ലഭിച്ചതല്ല ഭൂമി; വരും തലമുറയിൽ നിന്ന് കടം വാങ്ങിയതാണ്” എന്ന ചിന്ത മനസ്സിലാക്കി പ്രകൃതിയെ സംരക്ഷിക്കാൻ നാം എല്ലാവരും പ്രതിജ്ഞയെടുക്കണമെന്ന് അദ്ദേഹം ആഹ്വാനം ചെയ്തു.കമ്മ്യൂണിസ്റ്റ് പാർട്ടി ജില്ലാ സെക്രട്ടറി കൃഷ്ണാദാസ് പരിസ്ഥിതിയെക്കുറിച്ച് വിശദീകരിച്ചു. ജില്ലാ എക്സിക്യൂട്ടീവ് മെമ്പർ പി രാജൻ, എ കെ ജബ്ബാർ,പ്രഭാകരൻനടുവട്ടം, ഹുസൈൻ ഇസ്പാടത്ത്,. ഇ വി അനീഷ്, സുബ്രഹ്മണ്യം തവനൂർ, പി വി ബൈജു തുടങ്ങിയവർ സംസാരിച്ചു ടി.ശ്രീകുമാർസ്വാഗതവും മോഹൻ മംഗലത്ത് നന്ദിയും പറഞ്ഞു