വിദ്യാഭ്യാസ രംഗത്ത് സമൂലമായ മാറ്റം അനിവാര്യം . നൗഷാദ് അലി എംഎൽഎ

പൊന്നാനി :കാലത്തിനൊപ്പമല്ല,
കാലത്തിനു മുന്നേയാകണം വിദ്യാഭ്യാസ രംഗത്തെ പ്രവർത്തനങ്ങളും പരിഷ്കാരങ്ങളുമെന്ന് പൊന്നാനി നിയമസഭാ മണ്ഡലം സാമാജികൻ കെ.പി. നൗഷാദലി അഭിപ്രായപ്പെട്ടു.വിജ്ഞാനത്തിൻ്റേയും വിദ്യാഭ്യാസത്തിൻ്റേയും മേഖലകൾ ആഗോളതലത്തിൽ അതിവേഗം വികസിച്ചുകൊണ്ടിരിക്കുകയാണ്. അതിനൊപ്പo നമ്മുടെ കുട്ടികൾക്കും ക്രിയാത്മകമായി മുന്നേറാൻ കഴിയുംവിധം സമൂല മാറ്റം അനിവാര്യമാണെന്നും എം.എൽ.എ. പറഞ്ഞു.പൊന്നാനികൾച്ചറൽ വേൾഡ് ഫൗണ്ടേഷൻ വിദ്യാഭ്യാസ സമിതി പൊന്നാനി താലൂക്കിലെ എസ്.എസ്.എൽ.സി., പ്ലസ് ടു വിജയികൾക്കായി സംഘടിപ്പിച്ച അനുമോദന പരിപാടി ,”വിജയതീരം – 26′,ഉദ്ഘാടനം ചെയ്യുകയായിരുന്നു അദ്ദേഹം.വിദ്യാഭ്യാസസമിതി ചെയർമാൻ
പ്രൊഫ: വി.കെ.ബേബി അധ്യക്ഷത വഹിച്ചു.പൊന്നാനി മുനിസിപ്പൽ ചെയർപെഴ്സൻ സി.വി. സുധ മുഖ്യാതിഥി ആയിരുന്നു.പി.സി. ഡബ്ളിയു.എഫ്.ഗ്ലോബൽ പ്രസിഡണ്ട് സി.എസ് പൊന്നാനി മുഖ്യ പ്രഭാഷണം നടത്തി.പി.കോയക്കുട്ടി മാസ്റ്റർ,ടി മുനീറ, ഡോ: അബ്ദുറഹിമാൻ കുട്ടി, സി വി.മുഹമ്മദ് നവാസ്, അടാട്ട് വാസുദേവൻ മാസ്റ്റർ,ആയിഷ ഹസ്സൻ തുടങ്ങിയവർ സംസാരിച്ചു.എസ്. ലത ടീച്ചർ സ്വാഗതവും, സി വി അബ്ദുറഷീദ് നന്ദിയും പറഞ്ഞു