പുകയില വിരുദ്ധ ബോധവൽക്കരണവുമായി റേഞ്ചേഴ്സ് യൂണിറ്റ്

ചങ്ങരംകുളം:ലോക പുകയില വിരുദ്ധ ദിനത്തോടനുബന്ധിച്ച് പാവിട്ടപ്പുറം എ ആർ എച്ച് എസ് എസ് ഫോർ ഗേൾസ് സ്കൂൾ റേഞ്ചർ യൂണിറ്റ് ബോധവത്കരണ പ്രവർത്തനം നടത്തി.പരിപാടിയുടെ ഭാഗമായി റേഞ്ചേഴ്സ് പാവിട്ടപ്പുറം,വളയംകുളം പ്രദേശത്തെ കടകളിൽ കയറി ലഘുലേഖ വിതരണം നടത്തി. ഈ പ്രവർത്തനത്തിൽ പുകവലി, മദ്യം,മയക്കുമരുന്ന് എന്നിവയുടെ ദോഷഫലങ്ങൾ വ്യക്തമാക്കുന്ന ലഘുലേഖകൾ കടയുടമകൾക്കും പൊതുജനങ്ങൾക്കും കൈമാറി.”പുകയില്ലാത്ത നാളെ, ആരോഗ്യമുള്ള നാട്” എന്ന സന്ദേശം റേഞ്ചേഴ്സ് ജനങ്ങളിലെത്തിച്ചു.റേഞ്ചർ ലീഡർസുവിത കെ നേതൃത്വം നൽകി.