പ്രവേശനോത്സവവും ഗ്ലോബൽ പാരൻസ് ഡേയും ആചരിച്ചു

ചങ്ങരംകുളം: മാതാ, പിതാ, ഗുരു, ദൈവം എന്ന ആപ്തവാക്യം അന്വർഥമാക്കി ആഗോള രക്ഷാകർതൃ ദിനാചരണത്തോടെ ഇർശാദ് ഇംഗ്ലീഷ് സ്കൂൾ വിദ്യാരംഭത്തിന് തുടക്കമായി. ‘ഹോം ടു സ്കൂൾ’ എന്ന സന്ദേശം ശാസ്ത്രീയമായി അവതരിപ്പിച്ചാണ് പ്രവേശനോത്സവം സംഘടിപ്പിച്ചത്.കേരള പോലീസിന്റെ സൈബർ സേഫ്റ്റി മുന്നറിയിപ്പ്, വിദ്യാർഥി സൗഹൃദം എന്നിവയുടെ പ്രദർശനവും നടന്നു.പ്രസിഡണ്ട് സിദ്ദീഖ് മൗലവി ഐലക്കാട് ഉദ്ഘാടനം ചെയ്തു. പ്രിൻസിപ്പൽ കെ എം ശരീഫ് ബുഖാരി ആധ്യക്ഷ്യം വഹിച്ചു. പി പി നൗഫൽ സഅദി, കെ പി എം ബശീർ സഖാഫി പ്രസംഗിച്ചു.