25 നിർധന കുടുംബങ്ങൾക്ക് പെരുന്നാൾ കിറ്റ് വിതരണം ചെയ്തു

ചങ്ങരംകുളം :പെരുന്നാൾ ആഘോഷങ്ങൾക്ക് മുന്നോടിയായി പാവിട്ടപ്പുറം എ ആർ എച്ച് എസ് എസ് ഫോർ ഗേൾസ് സ്കൂളിലെ റേഞ്ചർ യൂണിറ്റിന്റെ നേതൃത്വത്തിൽ 25 നിർധന കുടുംബങ്ങൾക്ക് പെരുന്നാൾ കിറ്റ് വിതരണം ചെയ്തു.സ്കൂൾ അങ്കണത്തിൽ നടന്ന ചടങ്ങിൽ ആലങ്കോട് ഗ്രാമപഞ്ചായത്ത് പ്രസിഡണ്ട് ആസിയ ഇബ്രാഹിം വിതരണോദ്ഘാടനം നിർവഹിച്ചു.സ്‌കൂളിലെ റേഞ്ചേഴ്സ് യൂണിറ്റ് സ്വരൂപിച്ച തുകയും അധ്യാപകരുടെയും രക്ഷിതാക്കളുടെയും സഹായത്തോടെയുമാണ് കിറ്റുകൾ തയ്യാറാക്കിയത്.അർഹരായ 25 കുടുംബങ്ങൾക്കാണ് കിറ്റുകൾ കൈമാറിയത്.ഉദ്ഘാടന പ്രസംഗത്തിൽ പഞ്ചായത്ത് പ്രസിഡണ്ട് ആസിയ ഇബ്രാഹിം കുട്ടികളുടെ സേവന സന്നദ്ധതയെ പ്രത്യേകം അഭിനന്ദിച്ചു.”പെരുന്നാളിന്റെ യഥാർത്ഥ സന്ദേശമായ സാഹോദര്യവും പങ്കുവെക്കലും കുട്ടികൾ പ്രവൃത്തിയിലൂടെ തെളിയിച്ചിരിക്കുന്നു.സമൂഹത്തിന് ഇത് വലിയ വമാതൃകയാണ്” എന്ന് അവർ പറഞ്ഞു.സ്കൂൾ പ്രിൻസിപ്പൽ വില്ലിംഗ്ടൺ പി വി, റേഞ്ചർ ലീഡർ സുവിത,അധ്യാപകരായ സജ്‌ന എസ് ,അഹമ്മദ് പറയങ്ങാട്ടിൽ എന്നിവർ ചടങ്ങിൽ പങ്കെടുത്തു.