ചങ്ങരംകുളത്തുകാര്‍ ചോദിക്കുന്നു എംഎല്‍എ നാട്ടിലുണ്ടോ..ന്ന് നന്ദി പറയാന്‍ പോലും എത്തിയില്ല ‘പ്രവര്‍ത്തകരിലും അമര്‍ഷം

ചങ്ങരംകുളം:നിയമസഭ തിരഞ്ഞെടുപ്പ് ഫലം വന്ന് 20 ദിവസം കഴിഞ്ഞിട്ടും ഇടത് കോട്ടയില്‍ നിന്ന് അത്യുജ്ജല വിജയം നേടി അധികാരത്തിലേറിയ യുഡിഎഫ് എംഎല്‍എ നൗഷാദലി ചങ്ങരംകുളം മേഖലയില്‍ എത്താത്തത് പ്രവര്‍ത്തകരെ നിരാശയിലാക്കുന്നു.മുഖ്യമന്ത്രി തെരെഞ്ഞെടുപ്പും സത്യപ്രതിജ്ഞയും പിന്നീട് എംഎല്‍എ മാരുടെ സത്യപ്രതിജ്ഞയും എല്ലാമായി എംഎല്‍എ തിരക്കിലായതാണ് നന്ദി പറയുന്നതിന് വരാന്‍ കഴിയുന്നതെന്നാണ് വിവരം.പൊന്നാനി വെളിയംകോട് മേഖലയില്‍ പരിപാടികള്‍ക്ക് എംഎല്‍എ എത്തിയിരുന്നെന്നും ആലംകോട് നന്നംമുക്ക് മണ്ഡലം ഉള്‍പ്പെടുന്ന ചങ്ങരംകുളം മേഖലയില്‍ എംഎല്‍ എ എത്താത്തത് നീതികേടാണെന്നുമാണ് പ്രവര്‍ത്തകരുടെ ആരോപണം.മേഖലയിലെ പ്രവര്‍ത്തകര്‍ പല തവണ ആഘോഷ പരിപാടി തീരുമാനിച്ചെങ്കിലും എംഎല്‍എ സ്ഥലത്ത് ഇല്ലാത്തതിനാല്‍ ആഘോഷ പരിപാടികളും നടന്നില്ല.ജനങ്ങളോട് നന്ദി പറയാന്‍ പോലും എംഎല്‍എ മേഖലയില്‍ എത്താതിരുന്നതില്‍ പ്രവര്‍ത്തകരില്‍ വ്യാപകമായ അമര്‍ശമുണ്ട്.മഴ ശക്തമാകുന്നതോടെ ഇനി വിജയാഘോഷം പോലും നടത്താനാകില്ലെന്നും പ്രവര്‍ത്തകര്‍ പറയുന്നു