പതിവ് മുടക്കിയില്ല ‘എസ്എസ് എല്‍സി വിജയികളെ അനുമോദിക്കാന്‍ ഈ വർഷവും മെമ്പർ വിദ്യാര്‍ത്ഥികളുടെ വീടുകളില്‍ എത്തി

ചങ്ങരംകുളം:പതിവ് തെറ്റിക്കാതെ എസ്എസ് എല്‍സി വിജയികളെ അനുമോദിക്കാന്‍ ഈ വർഷവും മെമ്പർ മുസ്തഫ വിദ്യാര്‍ത്ഥികളുടെ വീടുകളില്‍ എത്തി.നന്നംമുക്ക് പഞ്ചായത്തിലെ പതിനാലാം വാർഡ് മെമ്പറും ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാനും കൂടിയായ മുസ്തഫ ചാലുപറമ്പിൽ ആണ് തന്റെ വാർഡിലെ എസ്എസ്എല്‍സി പരീക്ഷയിൽ വിജയിച്ച എല്ലാ വിദ്യാർത്ഥികളെയും അവരുടെ വീടുകളിൽ എത്തി പുരസ്കാരം നല്‍കി അനുമോദിച്ചത്.മധുരം നൽകി കുട്ടികളുടേയും അവരുടെ രക്ഷിതാക്കളുടേയും സന്തോഷത്തിൽ പങ്കുചേര്‍ന്നാണ് തിരിച്ച് പോയത്.കഴിഞ്ഞ പഞ്ചായത്ത് ഭരണസമിതിയില്‍ വാർഡ് 5 ലെ മെമ്പർ ആയിരുന്നു മുസ്തഫ.ഷരീഫ്,സുഹറ, എന്നിവരും ഒപ്പമുണ്ടായിരുന്നു