ചങ്ങരംകുളം:നന്നംമുക്ക് ഗ്രാമ പഞ്ചായത്തിൻ്റെ മഴക്കാലപൂർവ്വ ശുചീകരണ പ്രവർത്തനങ്ങളുടെ അവലോകന യോഗം നടത്തി.വൈസ് പ്രസിഡണ്ട് മുഹമ്മദലി നരണിപ്പുഴ അദ്ധ്യക്ഷത വഹിച്ച യോഗം പ്രസിഡൻ്റ് ശാന്ദിനി രവീന്ദ്രനാഥ് ഉദ്ഘാടനം ചെയ്തു.ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ മുസ്തഫ ചാലുപറമ്പിൽ സ്വാഗതം പറഞ്ഞു.
ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ സജ്ന രാജീവ് സെക്രട്ടറി വിശാഖ് അസിസ്റ്റന്റ് സെക്രട്ടറി മനോജ് എച്ച് സി സതീഷ് ഹെൽത്ത് ഇൻസ്പെക്ടർ പ്രിയ , ജനപ്രതിനിധികൾ ആശാ വർക്കർമാർ ആരോഗ്യ പ്രവർത്തകർ എന്നിവർ പങ്കെടുത്ത യോഗം പ്രവർത്തനങ്ങളുടെ പുരോഗതി വിലയിരുത്തി.
ടൗൺ പ്രദേശം 16 ന് ശനിയാഴ്ച രാവിലെ 9 മണി മുതൽ ശുചി കരിക്കുന്നതിന് തീരുമാനിച്ചു രണ്ടാം വാർഡ് മെമ്പർ അജയ്ഘോഷ് നന്ദി പറഞ്ഞു
