ചങ്ങരംകുളം: തെങ്ങിൽ മെഗാസ്റ്റാ൪ ആർട്സ് & സ്പോർട്സ് ക്ലബിന്റെ ആഭിമുഖ്യത്തിൽ അഖില കേരള ഫുട്ബോള് മേള സംഘടിപ്പിച്ചു. സി. കെ എം ഹോൾഡിംഗ് വിന്നേഴ്സ് ട്രോഫിക്കും പുഷ്ക്കാസ് സ്പോർട്സ് ഹബ്ബ് ക്യാഷ് പ്രൈസിനും മൊയ്തൂസ് ഗ്രാന്റ് ബസാർ റണ്ണേഴ്സ് ട്രോഫിക്കും സ്യൂട്ട് ലെ൯ഡ് ക്യാഷ് പ്രൈസിനും വേണ്ടി നടന്ന നാലാമത് അഖില കേരള സിക്സസ് ഫ്ലഡ് ലൈറ്റ് ഫുട്ബോൾ ടൂർണമെന്റ് ചങ്ങരംകുളം സബ് ഇൻസ്പെക്ടർ നസിയ എം. സാഹിബ് ഉൽഘാടനം നിർവഹിച്ചു. നന്നംമുക്ക് ഗ്രാമ പഞ്ചായത്ത് പ്രസിഡന്റ് ശാന്തിനി രവീന്ദ്രൻ മുഖ്യാതിഥിയായി. വാ൪ഡ് മെമ്പർ റഫീഖ് ഒ.പി, ഷംസീ൪ മണാളത്ത്, ആഷിക്ക് നന്നംമുക്ക്, ഫസിലുറഹ്മാ൯, എംകെ അബ്ദുറഹ്മാൻ, മുസ്താക്ക് തെങ്ങിൽ, സാദിക്ക് എം എന്നിവരും പങ്കെടുത്തു.
ഫൈനൽ മത്സരത്തിൽ പെനാൽറ്റി ഷൂട്ടൌട്ടിൽ ലാസ്മോസ് ചങ്ങരംകുളത്തിനെ പരാജയപ്പെടുത്തി റെയി൯ബോ മാട്ടം കിരീടം സ്വന്തമാക്കി. മുല്ലപ്പുള്ളി ഗ്രൂപ്പ്, ആലുങ്ങൽ ഫെയ്മസ് ബേക്കറി, ഓ൪ക്കിഡ് ഹോസ്പിറ്റൽ എന്നി സ്ഥാപനങ്ങൾ അണിയിച്ചൊരുക്കിയ ടൂർണമെന്റിൽ സ്വാഗത സംഘം കമ്മിറ്റി അംഗങ്ങളും ക്ലബ്ബ് ഭാരവാഹികളും ചേർന്ന് വിജയികൾക്കുളള ട്രോഫികളും കൃാഷ് പ്രൈസും നൽകി…
