എടപ്പാൾ പഞ്ചായത്തിന് കീഴിലുള്ള വിദ്യാലയങ്ങളിൽ സർപ്പ രക്ഷാ പരിശോധന ആരംഭിച്ചു

എടപ്പാള്‍:കേരളത്തിൻറെ കാലാവസ്ഥാ വ്യതിയാനത്തിന്റെയുംപാമ്പുകളുടെ ആവാസ വ്യവസ്ഥയിലെ മാറ്റങ്ങൾ കൊണ്ട് വീടുകളിലും മറ്റ് സ്ഥാപനങ്ങളിലും മറ്റു മനുഷ്യവാസ തലങ്ങളിലും പാമ്പുകളുടെ കടിയേറ്റ് മരണം വരെ സംഭവിക്കുന്ന സാഹചര്യത്തിൽ പ്രവേശനോത്സവത്തിനു മുൻപ് വിദ്യാർത്ഥികളുടെ സുരക്ഷാ ഉറപ്പാക്കുന്നതിന് സര്‍പ്പ പരിശോധന നടത്തി.നിലമ്പൂർ ഫോറസ്റ്റ് റെസ്ക്യൂ ഗാർഡും,സാമൂഹ്യപ്രവർത്തകനുമായ അജി കോലളമ്പിന്റെ നേതൃത്വത്തിലാണ് എടപ്പാൾ പഞ്ചായത്തിന്റെ കീഴിലുള്ള എല്ലാ വിദ്യാലയങ്ങളിലും സ്കൂൾ സൈഫ് സർച്ചിംഗ് വെരിഫിക്കേഷൻ നടത്തി വരുന്നത്.എടപ്പാൾ പഞ്ചായത്ത് പ്രസിഡണ്ട് കെ.പി.സിന്ധു ,ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ കെ വി മുഹമ്മദ് ലൈസ് വാർഡ് മെമ്പർ ജുബൈരിയ കല്ലിങ്ങൽ ഹെൽത്ത് ഇൻസ്പെക്ടർ ശ്രീകാന്ത് തുടങ്ങിയവർ പങ്കെടുത്തു.